قالتاداعى اقشانى قالاي ۇنەمدەۋگە بولادى؟

نۇر-سۇلتان. قازاقپارات - تيىن تەڭگە ۇنەمدەيدى.

ايدىڭ سوڭىنا قاراي ايلىقتان ەشتەڭە قالمايدى.

كەرىسىنشە، قارىزعا كىرىپ كەتەمىز. الايدا ءتيىمدى قارجىلىق باسقارۋ ارقاسىندا شىعىندار كولەمىن قىسقارتۋعا بولادى.

ساتىپ الۋ

برەند زاتتار

برەندتەرى اسا تانىمال ەمەس كومپانيالاردىڭ زاتتارىن ساتىپ الۋ اسا قىمبات ەمەس. قىمبات يوگۋرت، ءسۇت نەمەسە ءدارىنىڭ قۇرامىن وقىپ كورىڭىز. تانىمال ەمەس تاۋارمەن سالىستىرىپ كورىڭىز.

اراسىندا قاتتى ايىرماشىلىق جوق ەكەنىن بايقاۋعا بولادى. مىسالى، دارىگەر بەلگىلى ءبىر ءدارىنىڭ ساتىلۋىنا مۇددەلى بولادى. سىزگە بەرىلگەن اقپارات پاراعىن الىپ، ينتەرنەت ارقىلى وعان ۇقساس ارزان ءدارىسىن الۋعا دا بولادى.

بانك كارتاسى

ادەتتە كارتوچكا ارقىلى تولەۋ ىڭعايلى. ءاردايىم ءامياندى تاسىپ ءجۇرۋدىڭ قاجەتى جوق. سونىمەن قاتار اقشانىڭ ساقتىعى جوعارى بولادى. الايدا، قولىندا شىنايى اقشانى ۇستامايتىن ادام، اقشانى تەزىرەك قۇرتادى. سەبەبى، ۆيرتۋالدى اقشانى سەزبەيدى. سول سەبەپتى اباي بولۋ كەرەك.

كوميسسيا

باسقا بانكتىڭ بانكوماتىنان اقشا شەشكىڭىز كەلسە، قىزمەت ءۇشىن اقشا تولەۋگە دايىن بولىڭىز. ونىڭ كولەمى كوپ ەمەس شىعار، ءبىراق ءجيى جاسالاتىن اقشا اۋدارۋ مەن ونى الۋ ءسىزدىڭ قالتاعا قيىن سوققى بولىپ تيەدى.

ينتەرنەت-دۇكەندەر

قاشىقتىقتان ساتىپ الۋ ۇلكەن جەڭىلدىك سىيلايدى. ءبىراق ونىڭ دا بىرنەشە كەمشىلىكتەرى بار. ءبىراق باسقا دۇكەندەردەن ايىرماشىلىعى - باعالارىنىڭ تومەن بولۋىندا. ونلاين-الاڭداردا ءىرى كومپانيالار مەن تانىمال برەندتەر تاۋارلارىن ۇلكەن جەڭىلدىكتەرمەن ساتادى.

كوسمەتيكالىق زاتتار

نازىك جاندار ءۇشىن اسا قاجەتتى تاۋارلاردىڭ ءبىرى. سەبەبى، قىزدار ءاردايىم ارۋ بولىپ ءجۇرۋى ءتيىس. ءبىراق كوسمەتيكالىق زاتتاردى الىپ قويماي، قولدا بار زاتتارمەن دە جاقسى ناتيجەگە جەتۋگە بولادى. ۋاقىت وتە كەلە كوسمەتيكاعا كەتەتىن اقشا كولەمىن قىسقارتۋعا بولار ەدى. باستىسى كەرەكتى ادىستەردى ءبىلۋ.

جوسپار

تاۋاردى ساتىپ الۋ ءۇردىسىن جوسپارلاۋدى ۇيرەنۋ كەرەك. قازىرگى تاڭدا ونى ءموبيلدى قوسىمشالار ارقىلى ىسكە اسىرۋ وڭاي. نە ءۇشىن ول كەرەك؟ مىسالى، ءسىز كەرەكتى تاۋاردى ۇمىتىپ كەتتىڭىز. كەلەسى كۇنى قايتا كەلۋ كەرەك. ول قوسىشا شىعىن، سونىمەن قاتار كەلگەندە تاعى قوسىمشا تاۋار الۋعا كەتۋى مۇمكىن.

كەزدەيسوق ساۋدا مەن بازار

ادەتتە ساۋداگەرلەر كەشكى ۋاقىتقا قاراي كونگىش كەلەدى. وسىنى پايدالانا ءبىلۋ كەرەك. بازار ساۋدالاسۋ ءۇشىن جاسالعان. ساۋداگەرلەر كەشكە قاراي بۇكىل تاۋارلارىن ساتىپ كەتۋگە تىرىسادى. وسىنى قولدانۋ كەرەك. سونىمەن قاتار تۇراقتى تۇردە ءبىر ساۋداگەردەن تاۋار الاتىن بولساڭىز، ول جەڭىلدىكتەر ۇسىناتىن بولادى. الداعى ۋاقىتتارى الداماۋعا دا تىرىسادى.

جوعارىدا كەلتىرىلگەن مىسالداردى بايقاعان بولساڭىز، ۇنەمشىلدىك ۇساق دۇنيەلەردەن باستالادى.

El.kz