الەمدەگى ەڭ «ساراڭ» قالالار ءتىزىمى جاريالاندى

نۇر-سۇلتان. قازاقپارات - ساراپشىلار ادەتتە ۇلتتاردى، قالالار مەن ەلدەردى قوناقجايلىعىنا قاراپ رەيتينگ تۇزەتىن.

بۇل جولى ولار ەڭ «ساراڭ» قالالاردىڭ ءتىزىمىن جاساپ وتىر.

ۇزدىك ۇشتىك قاتارىندا رەسەي استاناسى ماسكەۋ دە بار. ساراپشىلاردىڭ ايتۋىنشا، ونداعى تۇرعىندار تىم دورەكى، وزگە تىلدە سويلەي المايدى جانە شەتەلدەن كەلگەندەردى مۇلدەم جاقتىرمايدى.

قالالاردىڭ رەيتينگىن Conde Nast Travelers جۋرنالىنىڭ ماماندارى ازىرلەگەن. ولار بۇكىل الەمنىڭ تۋريستەرى اراسىندا ينتەرنەت ارقىلى ساۋالناما جۇرگىزىپ، ەڭ ساراڭ قالالاردى انىقتادى.

انتيرەيتينگتەگى ءبىرىنشى ورىن وڭتۇستىك افريكاداعى يوحاننەسبۋرگ قالاسىنا تيەسىلى.

ءوزىنىڭ سۇلۋلىعىنا قاراماستان ول قاۋىپتى قالالاردىڭ قاتارىندا.

مۇندا قىلمىستىڭ كورسەتكىشى تىم جوعارى. وسىعان بايلانىستى ساياحاتشىلارعا و ا ر استاناسىنا بارماۋعا ءجيى كەڭەس بەرىپ جاتادى. ونىڭ ۇستىنە، اتالعان قالادا ءتىل ماسەلەسى وتە كۇردەلى.

ال، ەكىنشى ورىندى ساۋالناماعا قاتىسۋشىلار فرانسياداعى كانن قالاسىنا بەرگەن. كوپتىڭ پىكىرىنە سەنسەك، اتالعان شاھار تۋريستەردىڭ ەسىندە ەشقانداي قىزىعىمەن ەستە قالمايتىن كورىنەدى. ال، حالقى بولسا ۇنەمى تۇنەرىپ جۇرەدى دەيدى ولار.

وسىناۋ تىزىمگە فرانسيانىڭ تاعى ەكى قالاسى كىرىپ وتىر، ولار: پاريج بەن مارسەل. ساراپشىلاردىڭ ايتۋىنشا، پاريج حالقى تىم دورەكى، شەتتەن كەلگەن تۋريستەرگە كومەكتەسۋدى بىلمەيدى. ال، مارسەلدە ۇرىلار كوپ.

بۇل تىزىمدە بەيجىڭ دە بار. قالانىڭ تىم لاستىعىنان كورىكتى جەرلەر كولەڭكەدە قالىپ قويادى دەيدى ساۋالناما قاتىسۋشىلارى.

Baq.kz