الەمدەگى ەڭ قاۋىپتى توعىز سەكتا
«سەكتا» ءسوزى بۇگىنگى كۇندە كوبىنەسە «ءولىم» ءسوزىنىڭ سينونيمى رەتىندە قولدانىلادى. الەمدەگى ەڭ قاۋىپتى 9 سەكتانىڭ ءتىزىمى ۇسىنىپ وتىرمىز. سوڭعى ورىننان باستايىق.
9. نو- نو- ناپا («گۇل ءىلىمى» ) - جاپوندىق نەوبۋدديستىك سەكتا. 1987 - جىلى نەگىزى قالانعان. «وقىتۋشى» حوگەن فۋكۋناگا ماگيالىق قابىلەتتىلىگى بار ادام بولىپ ادامنىڭ وتكەنى مەن كەلەشەگىن ولاردىڭ اياقتارىنا قاراپ وقىپ بەرە الادى. سەكتانىڭ جوعارىداعىلارى كۇشتەپ قورقىتۋمەن اينالىستى، ولار: قاتەرلى ىسىك (راك) نەمەسە باسقا دا ولىمگە دۋشار ەتەتىن اۋرۋلاردى الدىن- الا بولجايتىن، ول ادامداردىڭ 1 رەت قابىلداۋى $900 تۇراتىن ارناۋلى تازالاۋ شارالارىنا قاتىسۋعا ماجبۇرلەدى. الاياقتىعى ءۇشىن ايىپتاعاننان كەيىن فۋكۋناگا سوتقا تارتىلىپ ۇكىم بويىنشا 1 ميلليون دوللارعا جۋىق ايىپ تولەدى. سەكتا وسى جولدى ۇستاۋشىلاردى باسقا اتپەن Yorokobi Kazoku no Wa ۇجىمداستىرىپ وتىر.
8. Raeliano سەكتاسى - فرانسيادا وتكەن عاسىردىڭ 70 - جىلداردا پايدا بولدى. نەگىزىن سالۋشى- بۇرىنعى سپورت شالۋشىسى، راەل رەتىندە كەڭىنەن تانىلعان كلود ۆوريلون، ول 1973 - جىلدىڭ 13 - جەلتوقسانىندا فرانسيانىڭ ورتالىعىنداعى سونگەن جانارتاۋ شۇڭقىرىندا باسقا پلانەتالارمەن كەزدەستى، ولاردىڭ بىرەۋى ءوزىن قۇداي (Elohim) دەپ اتادى. Elohim وعان جەردەگى ءومىردى باسقا پلانەتارلىقتار گەندىك ينجەنەريا، سونىڭ ىشىندە كلوداۋدىڭ كومەگىمەن جاساعانىن ايتقان. راەل ءوز سەكتاسىنا ادامداردى ماڭگىلىك ءومىردى ۋادە ەتىپ شاقىرادى. ول سول قۇپيانىڭ يەگەرى رەتىندە تانىلدى. وسى «شىركەۋدىڭ» ءوزىن جالعاستىرۋشىلاردىڭ ءبىرى 2003 - جىلى ب ا ق- دا الەمدەگى ءبىرىنشى كلون بولىپ تابىلامىز دەپ ۇندەۋ تاستادى. بۇل جاڭالىقتى عالىمدار كوپ ۇزاماي- اق جوققا شىعاردى.
7. «وردەن حراما سولنتسا» (كۇن شىركەۋىنىڭ وردەنى) - كەيبىر ب ا ق- ى، مىسالى «سوۆەرشەننو سەكرەتنو» گازەتى ونىڭ قىزمەت ەتۋ اياسى رەسەي تەريتورياسى ەكەنىن اشىپ كورسەتتى. 1984 - جىلى نەوناتسيست، بەلگيالىق ليۋك جۋر نەگىزىن قالاعان. عىلىمعا سايكەس استرولوگيا، الحيميا، ميستيكا، يوگا مەن كاباليستيكا قوسپاسى رەتىندەگى جەر اپوكاليپسكە قايتىمسىز تۇردە جاقىنداپ كەلەدى. ءبىراق، ءولىم دەگەن مۇلدە جوق، ول جاي بۇلىڭعىر ساعىمنان باسقا ەشتەڭە دە ەمەس. 1995 - جىلى 22- جەلتوقساندا فرانسيانىڭ الپىلەرىندە، گرەنوبلدەن قاشىق ەمەس جەردە «وردەن حراما سولنسەنىڭ» (كۇن شىركەۋى وردەنىنىڭ) 16 جاقتاۋشىسىنىڭ، ونىڭ ىشىندە 3 كىشكەنتاي بالالاردىڭ جاپپاي ءوزىن- ءوزى جاعۋ سالتى بولدى. كەيبىر قۇربان بولعاندار باسىنا اتىپ ءولتىرىلىپ، سودان كەيىن بارىپ وتقا ورانۋعا بەرىلدى.
6. بحاگاۆانا شري رادجنيش (و ش و) سەكتاسى. 1966 - جىلى رادجنيش ۋنيۆەرسيتەتتى تاستاپ دجاينيزمنەن، تانتريزمنەن، دزەن- بۋدديزمنەن، داۋوسيزمنەن، سۋفيزمنەن، پسيحواناليزمنەن جانە ت. ب. ءۇزىندى بولىپ تابىلاتىن وسىلاردىڭ قوسپاسىنان تۇراتىن ءوزىنىڭ ىلىمدەرىن ۋاعىزداي باستادى. رادجنيشتىڭ «ءدىننىڭ» باستى ەرەجە پوستۋلاتىندا: «قۇدايدى ءسۇي، جانە ءوزىڭنىڭ قالاعانىڭدى ىستە» دەپ ايتىلعان. ەڭ كوپ تاراعان جەرى ا ق ش. ءرادجنيشتىڭ تاپ ءوزى 1984 - جىلى داللاستا جۇزدەگەن ادامداردى سالمونەلل باكتەرياسىنىڭ كومەگىمەن ۋلاندىرعان دەگەن بولجام بار. ا ق ش- نان جەر اۋدارىلعان سوڭ رادجنيش ءوزىنىڭ ءىزىن جالعاستىرۋشىلار بار جەرگە توقتاعىسى كەلدى، ءبىراق 21 ەل وعان نە ەلىنە كىرۋگە تىيىم سالدى، نە گرەتسيا سياقتى ەشقانداي تۇسىنىكتەمەسىز ەلدەرىنەن قۋىپ شىعاردى. قازىر الەمدە 200 گە تارتا وشو مەديتاتسيوندىق ورتالىعى بار دەپ ەسەپتەلەدى. ولار بۇرىنعى كەڭەستەر وداعىنىڭ تەرريتورياسى بولىپ سانالعان پەتەربوردا، ۆورونەجدە، ودەسسادا، كراسنوداردا، مينسكىدە، تبيليسيدە، ريگا مەن ماسكەۋدە ءالى دە ءومىر ءسۇرىپ جاتىر.
5. مەنسون سەكتاسى. ءوزىن پايعامبار دەپ سەزىنگەن، مانياعا بەرىلگەن ءبىر ادام اق پەن قارا ءناسىل اراسىندا سوعىس جاريالايدى. چارلز مەنسون 1969 - جىلى بىرنەشە ادامدى ولتىرگەنى، ونىڭ ىشىندە رەجيسسەر رومان پولانسكيدىڭ جۇبايى اكتريسا شەرون تەيتتى ولتىرگەنى ءۇشىن جازاعا تارتىلدى. ۇكىم بويىنشا ول گاز كامەراسىندا ازاپتالىپ ءولتىرىلۋى كەرەك ەدى، ءبىراق 1977 - جىلى كاليفورنيانىڭ جوعارعى سوتى ءولىم جازاسى كونستيتۋتسيالىق ەمەس دەپ تانىدى، سوندىقتان ونى ءومىر باقي باس بوستاندىعىنان ايىرۋ جازاسىمەن اۋىستىردى. بىلتىرعى جىلى ونىڭ مەرزىمنەن بۇرىن بوساۋى تۋرالى وتىنىشىنەن باس تارتتى.
4. «ۆراتا رايا» جۇماق قاقپاسى - 1975 - جىلى ا ق ش- تا مارشالل ەپپلۋايت جانە بونني نەتتلز نەگىزىن سالعان. 1997 - جىلى ەپپلۋايت جەردىڭ حەيلا- بوپپ كومەتاسىمەن سوقتىعىسۋىنان قاشا المايتىن سەبەپتى ءوزىنىڭ سەكتاسىنىڭ 39 ءىزباسارىن ءوزىن- ءوزى ولتىرۋىنە كوندىردى.
3. «اۋم سينريكە» - سەكتا جاپونيادا پايدا بولعان. كەيبىر ەلدەردە ونىڭ قىزمەتىنە تىيىم سالىنسا دا، كەيبىر جەكەلەگەن توپتارى ت م د- دا ءومىر ءسۇرىپ جاتىر. اۋم سينريكە ءىلىمى كوپ رەتتە بۋدديزم ءماتىنىنىڭ نەگىزىندە ىرگەسى قالانعان، ولار نەگىزىندە وزدەرىندە بۋدديزم مەن يوگانىڭ دۇنيەتانىمىنىڭ قاۋىپتى قوسپاسى رەتىندە تانىلعان. سەكتا جەتەكشىسى - سەكو اساحارا رەسەيگە بىرنەشە رەت كەلىپ ساياسي جانە ءدىني قايراتكەرلەرمەن كەزدەستى. اۋم سينريكە جاپونيادا تەراكت، ونىڭ ىشىندە ناتيجەسىندە 12 ادام قايتىس بولعان توكيو مەتروسىنداعى سياقتى بىرنەشە تەراكت دايىندادى. سوت اساحارانۋدى 17 ايىپتاۋدىڭ 13 ءى بويىنشا كىنالى دەپ تاپتى جانە 2004 - جىلى ءولىم جازاسىنا كەستى.
2. «حرام نارودوۆ» (حالىقتار شىركەۋى) سەكتاسى. سەكتا گايانادا پايدا بولعان جانە الەمدەگى ەڭ قاۋىپتى سەكتا دەپ تانىلعان. 1978 - جىلى 18- قاراشادا گايانا دجۋنگليلەرىندە ا ق ش- نىڭ مىڭعا تارتا ادامى ءوزىن- ءوزى ولتىرگەن. سەكتانى قايسىبىر ۋاعىزداۋشى دجيم دجونس قۇرعان، ول ۇرىپ- سوعۋ، قوقان- لوقى كورسەتۋ، بالاعاتتاۋ ارقىلى ءسوزسىز باعىنۋعا ءماجبۇر ەتكەن. كۋاگەرلەردىڭ ەسكە الۋى بويىنشا، ونىڭ ۋاعىزدارى كوبىنەسە ساياسي جينالىستارعا ۇقساس بولعان. ءوزىنىڭ ءبىر قىزمەتىندە دجونس ارتىندا ءىلىنىپ تۇرعان امەريكانىڭ تۋىنا قارادى، وعان جۇدىرىعىن ءتۇيىپ: «ناسىلشىلدەر، اۋەستەنۋشىلەر، يمپەرياليستەرمەن كۋكلۋكسكلانوۆتىقتار ۇلتى، تۇرا تۇرىڭدار! جاساعان قاستىقتارىڭ ءۇشىن ەسەپتەسەتىن سەندەردىڭ ساعاتتارىڭ دا كەلەدى!» دەدى. دجونس بولەك ءبىر اۋىلدا «بىرلەسكەن سوتسياليزم» قۇردى. ولار وزدەرىنىڭ كوممۋنالارىن رەسمي دەرەكتەردە بۇل «حالىقتار شىركەۋى» اۋىلشارۋاشىلىق جانە مەديتسينالىق بىرلەستىك» دەپ اتادى. اۋىلدىڭ ءبىر كوشەسى لەنين اتىمەن اتالدى، ال تاڭەرتەڭ دجونستاۋىندى وياتۋ رەتىندە ديناميكتەردە كەڭەستەر وداعىنىڭ ءان ۇرانى ويناتىلدى. قازىرگە دەيىن وسى اۋىل تۇرعىندارىنىڭ ءولىمىنىڭ سەبەبى تۋرالى انىق مالىمەتتەر جوق. كەيبىر كوزدەردە بىرلەستىكتى قۋۋعا تالپىنۋ ماقساتىمەن ونىڭ بارلىق تۇرعىندارى تسيانيستىك كالي ىشكەن دەيدى. ءبىراق 1988 - جىلى «نەزاۆيسيمايا گازەتا» بۇل جاپپاي ءولتىرۋدى ا ق ش- تىڭ ارنايى قىزمەتكەرلەرى ۇيىمداستىرعان دەپ جازدى.
1.ساتيا ساي بابا سەكتاسى. ساتيا ساي بابا ءسوزى سانسكريت تىلىنەن اۋدارعاندا «شىنايى انا مەن اكە» دەۋگە بولادى، ول 1926 - جىلى ءۇندىستاننىڭ وڭتۇستىگىندەگى اۋىلدا تۋعان. ساي بابانىڭ ايتۋى بويىنشا ول 14 جاسىندا كوماعا جاقىن جاعدايدى باسىنان وتكەرگەن. ەكى اي بويى ونى قاتتى اۋرۋلار مازالاپ ول ەسىنەن ءجيى تانىپ قالاتىن. وسى ءبىرتۇرلى اۋرۋدان كەيىن «ونىڭ پاراپسيحولوگيالىق قابىلەتتەرى ءوسىپ كەڭەيدى» جانە ساي بابا ءوزىن ءتىرى قۇداي، شيۆا قۇبىلىسى بولىپ ەسەپتەلىپ شيرديلىك ايگىلى ءۇندىستاندىق «اۋليە» جانە «تاڭقالارلىق ءىس جاساۋشى شري ساي بابانىڭ باسقا ءتۇرى مەنمىن» دەپ جاريالادى.
ساتيا ساي بابا ءوزىن شيۆا مەن شاكتيدىڭ نەگىزىن قالاۋشى، ەركەكتەر مەن ايەلدەردىڭ قۇدىرەتتىلىگىنىڭ باستاۋى، شاكتيدىڭ ءبىر قۇبىلىسى رەتىندە پرەما- ساي بەينەسىندە تاعى دا دۇنيەگە كەلەتىنىن جاريا ەتتى. سونىمەن قاتار ول بيبليادا، قۇراندا، ماحابحاراتتا جانە باسقا دا كيەلى كىتاپتاردا بار دەگەن جەلەۋمەن ءوزى تۋرالى كەيبىر ەسكىلىكتى پايعامبارلىق داستۇرلەردى ۇستاناتىنىن ايتادى. ساي بابا: « ءبىز ءوز دۇنيەتانىمىمىزدا ۋاقىتپەن جانە كەڭىستىكپەن شەكتەلمەگەنبىز، ويتكەنى ءبىزدىڭ شىنايى تىرشىلىگىمىز شەكتەۋسىز، وزگەرىسسىز، وتپەلى ەمەس، .. . ءبىزدىڭ شىنايى تۇرمىسىمىز تازا ماحاببات پەن شاتتىقتىڭ ءتانسىز جاعدايى». ءتىپتى ءسوز قولدانىستاعى «تۇرمىس» جانە «حال- جاعداي» سوزدەرىن ءبىرتۇرلى اجىراتا الماۋ، ءسىرا، ساي بابا ادامنىڭ جانە ءابسوليۋتتىڭ بىردەيلىگىن دالەلدەۋمەن بايلانىستى شىعار. ءبىراق، ساي بابا سوندا دا ۇنەمى «جاي اۋليەلەردەن» ءوزىنىڭ ساپالى ايىرماشىلىعىن ءوز بويىنداعى قۇدىرەتتى تىرشىلىكتى بەلگىلى كۇشتەر جولىمەن اشقانىن ايتىپ ءوز دەگەنىن ورىنداتىپ وتىردى.
ساي بابانىڭ «عاجايىپتى» ءوندىرۋ تەحنولوگياسى بىزگە جاقسى بەلگىلى جانە تولىقتاي سۋرەتتەلگەن. جالپى العاندا، اڭگىمە نانىم- سەنىمدە كوبەيگەن جانە كوپشىلىكتىڭ ەلەستەتۋلەردى شىنداي قىلىپ قوزدىرۋ سياقتى جاي فوكۋس تۋرالى بولىپ وتىر. مىسالى: «كيەلى كۇل» جاعىلعان قۇرعاق سيىر كەپەسىمەن ساندال اعاشىنىڭ قوسىندىسىنان الدىن- الا جاسالىپ دايىندالىپ، كىشكەنتاي تۇردەگى دومالاق تۇيىرشىك نەمەسە تۇيمەداق سياقتى شيىرشىقتالادى. ساي بابا وسى شيىرشىقتارمەن قويىلىمدارى كەزىندە ولاردى ساۋساقتارىنىڭ اراسىنا بىلدىرتپەي قىسىپ قۋلىق جاسايدى. ال «قۇدىرەتتىڭ» كوپتەگەن عاجايىپتارى تۋرالى اڭگىمەلەر تۇگەلدەي ويدان شىعارىلعان.
اۋدارعان: ايگۇل سەرىكبول قىزى
(ماتەريال dinislam.kz سايتىنان الىندى)