ءسابي ەرەسەك ادامدى ءۇش نارسەگە ۇيرەتە الادى - الەمگە ايگىلى جازۋشى پاۋلو كوەلو

None
None
نۇر-سۇلتان. قازاقپارات - الەمگە ايگىلى جازۋشى پاۋلو كوەلو 1947 - جىلى برازيليانىڭ ريو-دە-جانەيرو قالاسىندا، ينجەنەر وتباسىندا دۇنيەگە كەلەدى.

ول الەمدەگى ەڭ كوپ وقىلاتىن، سۇيىكتى جازۋشىلاردىڭ ءبىرى.

2007 - جىلى ب ۇ ۇ-نىڭ بەيبىتشىلىك ەلشىسى اتانادى. ونىڭ كىتاپتارى الەمنىڭ 80 تىلىنە اۋدارىلعان. تومەندە كوەلو شىعارمالارىنان الىنعان دايەك سوزدەردى ۇسىنامىز.

ەگەر سەن ءبىر نارسەنى قالاسىڭ، بۇكىل الەم ونىڭ ورىندالۋىنا سەبەپشى بولادى

كوپشىلىك ادام اقيقات دەپ سانايتىن دۇنيە، اقيقاتقا اينالادى

ءبىر ورىندا تۇرعان قويما سۋىنداي ەمەس، اعىپ-تاسىپ تۇرعان سارقىراماداي بول

ءولىم تۋرالى وي ءارى قاراي ءومىر سۇرۋگە دەگەن قۇلشىنىستى وياتادى

ءسابي ەرەسەك ادامدى ءۇش نارسەگە ۇيرەتە الادى: ەشقانداي سەبەپسىز قۋانا بىلۋگە، وزىنە سۇيىكتى ءىس تاۋىپ الۋعا جانە ءوز دەگەنىنەن قايتپاۋعا

ەڭ مىقتى جاۋىنگەر - ءوز دۇشپانىن دوسىنا اينالدىرا بىلگەن جاۋىنگەر

ءبىر رەت بولعان جاعداي، ەندى ەشقاشان دا قايتالانباۋى مۇمكىن، ءبىراق ەكى رەت ورىن العان جاي مىندەتتى تۇردە ءۇشىنشى رەت بولادى.

ادامزات بالاسى ويلاپ تاپقان قارۋلاردىڭ ىشىندەگى ەڭ جويقىنى - ءسوز

كەيىن جاستىق شاعىم بوس ءوتىپ كەتتى دەپ وكىنبەس ءۇشىن ءاربىر ءساتتى پايدالان. جاراتۋشى پەندەسىنە كەز-كەلگەن جاستا دا سىناقتار جىبەرىپ وتىرادى

ارماننىڭ ورىندالۋىنا ءبىر نارسە عانا كەدەرگى، ول - ساتسىزدىك تۋرالى قورقىنىش، قالعاندارى سەبەپ

«مەن سەنى سۇيەمىن»، دەپ ايتقان ادام عانا «مەن سەنى كەشىرەم» دەپ ايتا الادى

مەن ايەلمىن، سوندىقتان ءوز سەزىمىمدى باقىلاي المايمىن

ءبىزدىڭ ءومىرىمىز باس- اياعىنا دەيىن ساياحات. تەرەزەدەگى پەيزاج، جانىڭىزداعى ادامدار مەن قاجەتتىلىكتەرىڭىز وزگەرەدى، ال پويىز ءارى قاراي جۇيتكىپ كەتە بەرمەك. ءومىر - ستانتسيا ەمەس، پويىز

ءاردايىم ءوزىڭنىڭ نەنى قالايتىنىڭدى ناقتى ءبىلۋ كەرەك

ولار وزدەرىن قالىپتى ادامدارمىز دەپ ويلايدى، ويتكەنى ءبارىنىڭ ارەكەتتەرى بىردەي

ەركەكتەر ءوز باسىمدىلىعىن سەزىنۋدەن ەرەكشە ءلاززات الادى، ءبىراق كوپتەگەن جايدايدا ءوز قىلىقتارىنىڭ كۇنى بۇرىن بەلگىلى بولاتىنىن ۇعا بەرمەيدى

كەيدە، ءوز ءۇيىڭنىڭ اۋلاسىندا قانداي قازىنا كومۋلى تۇرعانىن ءتۇسىنۋ ءۇشىن، بۇكىل الەمدى شارلاپ شىعۋ كەرەك

جەڭىسكە سەنگەن كەزدە، سەن جەڭەسىڭ، ويتكەنى جەڭىس ساعان سەنەدى

كۇن سايىن جاراتۋشى بىزگە ءوزىمىزدى باقىتسىز ەتەتىن ساتتەردى وزگەرتۋگە مۇمكىندىك بەرەدى، ءبىراق ءبىز كۇندە ونى ەلەمەگەن بولامىز

ەسالاڭ بولىپ قالا بەرىڭىز، ءبىراق سىرت كوزگە ءوزىڭىزدى قالىپتى ادامداي ۇستاڭىز

كەيدە، سەنىڭ ارتىڭنان كىم ىلەسەتىنىن كورۋ ءۇشىن العا شىعۋىڭ كەرەك. كەيدە، سەنى كىم تىڭدايتىنىن بايقاۋ ءۇشىن داۋىسىڭدى باسەڭدەتىپ سويلەۋىڭ كەرەك. كەيدە ءبارى استان-كەستەن بولىپ جاتقاندا سەنىمەن كىمنىڭ قالاتىنىن ءبىلۋ ءۇشىن، قاتە شەشىم قابىلداۋىڭ كەرەك.

ەشقاشان دا ۇمىتپا - سەن ازاتسىڭ، ءوز ەموتسياڭدى شىعارۋ ۇيات ەمەس

ءاربىر شايقاس ءبىزدى ءبىر نارسەگە ۇيرەتەدى

el.kz


سوڭعى جاڭالىقتار