جالقاۋلىقتى قالاي جەڭۋگە بولادى؟

نۇر-سۇلتان. قازاقپارات - جالقاۋ ەكەندىگىڭىزدى مويىنداڭىزجالقاۋلىقتى جەڭىپ جانە ءومىرىڭىزدى وزگەرتكىڭىز كەلسە، جالقاۋ ەكەندىگىڭىزدى مويىنداڭىز.

ەگەر لوگيكالىق جاعىنان قاراساق، جالقاۋلىق دەگەن شىنىمەن جوق، ويتكەنى ءبىز ۇزاق ۋاقىت جاي جاتا المايمىز، ول مۇمكىن ەمەس. ويتكەنى ءبىز جۇرەمىز، تاماق ىشەمىز، دەمالامىز، ويلايمىز، بۇنى جالقاۋلىق دەپ ايتۋعا بولماس.

شىنىمەن جالقاۋلىق دەگەنىمىز، ادامنىڭ ماقساتىنا جەتۋگە باعىتتالعان ءىستى اياقتاماۋى. ادام باقىتقا جانە ناتيجەگە جەتۋ ءۇشىن ءوز ىسىمەن اينالىسۋى كەرەك. سوندىقتان دا ماقساتىڭا جەتۋ ءۇشىن ءوز ىسىڭىزبەن اينالىسقانىڭىز ءجون.

قورقىنىشتار

ادامدار قورىققاندىقتان ولار ءۇشىن جالقاۋلىقتى جەڭۋ قيىن بولادى. ءار ءبىر ادام ولىمنەن، تاماقسىز جانە سۋسىز قالۋدان قورقادى، بۇل ادامدى ءىس قيمىلعا جىگەرلەندىرۋى كەرەك، جالقاۋلىققا ەمەس. بارلىق قورقۋلار تۋعاننان پايدا بولمايدى، ولار ءبىزدىڭ بويىمىزدا كىشكەنتاي كەزىمىزدە، 6 جاسقا دەيىن قالىپتاسادى.

ول كەزدە قورقىنىشتاردىڭ قالىپتاسۋىندا اكە-شەشە، قورشاعان ورتا ۇلكەن ءرول وينايدى. سوندىقتان دا بالالاردىڭ قورقىنىشتارىن كىشكەنتاي كەزىندە جويۋ كەرەك، ولار ەسەيگەندە ومىرلەرى جەڭىلدىرەك بولادى.

دەنەنى شىنىقتىرۋ ارقىلى جالقاۋلىقتى جەڭۋ

ەگەر ءسىز جالقاۋلىقتى جەڭۋدىڭ تەز جانە ءمىنسىز ءتاسىلىن ىزدەسەڭىز، ءسىز ونى تاپتىڭىز. ول ادامنىڭ فيزيكالىق تاربيەسىندە. ەگەر ءسىز ومىردە شاتاسساڭىز، نە ىستەرىڭىزدى، نەمەن اينالىسۋ كەرەكتىگىن بىلمەسەڭىز، باسىڭىزدا نەشە ءتۇرلى جامان جانە كەرەك ەمەس ويلار بولسا، جاي عانا فيزيكالىق جاتتىعۋلاردى جاساي باستاڭىز. جاقسى ناتيجەگە جەتۋ ءۇشىن، وزىڭىزگە ۇنايتىن جاتتىعۋلاردى جاساڭىز.

دەنەگە تۇسەتىن وسى فيزيكالىق اۋىرلىق سىزگە جامان ويلاردان ارىلۋعا كومەكتەسەدى، ويلاۋ قابىلەتىڭىز جاقسارادى، العا قويعان ماقساتىڭىزعا جەتۋگە كومەكتەسەدى. سپورت ۇلكەن جەتىستىككە جەتۋگە كومەكتەسەدى، تانىمال ادامداردىڭ ءومىربايانىنا نازار اۋدارساڭىز، ولار سپورتپەن اينالىسقانىن جانە اينالىسىپ جۇرگەنىن كورەسىز. سپورت ادامدى شىنىقتىرادى جانە جەتىستىكتەرگە جەتۋ ءۇشىن كۇش-قۋات بەرەدى.

سۇيىكتى ىسىڭمەن اينالىس

جوعارىدا ايتىپ وتىلگەندەي، جالقاۋلىقتى جەڭۋ ءۇشىن، تۇسىنگەنىمىز ءجون، جالقاۋلىق شىنىمەن جوق نارسە، ويتكەنى ادام ءبىر قيمىلسىز مۇلدەم ءومىر سۇرە المايدى. تەك ولگەن ادام عانا قيمىلسىز جاتادى، ادام ۇيىقتاعاندا دا ونىڭ اعزاسى جۇمىس ىستەيدى، بۇل جالقاۋلىق ەمەس قوي. ەگەر ءسىز جالقاۋلىقتىڭ بار ەكەنىنە سەنىپ جانە ونى جەڭۋ كەرەك دەپ ويلاساڭىز، سوندا ومىرىڭىزدەگى ءوز جولىڭىزدى، باعىتىڭىزدى ىزدەڭىز. بۇنى ءسىزدىڭ ەڭ سۇيىكتى ءىسىڭىز دەپ اتاۋعا بولادى، بۇل ىستەن باسقالار شارشاسا، ال ءسىز شارشامايسىز، ويتكەنى ول سىزگە ۇنايدى. ەگەر سونداي ءىس تاپپاساڭىز، تابۋعا تىرىسىڭىز. ويتكەنى سۇيىكتى جۇمىسىڭىز سىزگە كوبىرەك تابىس اكەلەدى، ال ءسىز جاي عانا اقشا ءۇشىن سۇيىكتى ەمەس ىسىمەن اينالىسساڭىز، ول سىزگە مول تابىس اكەلمەۋى مۇمكىن. ۇناعان ءىسىڭدى تاپقانىڭ جاقسى بولادى، ول ءىسىڭ سەنى باقىتتى ەتەدى، شارشامايسىن جانە سونىمەن قاتار اقشا تاباسىن.

«ەل»