شەبەر سويلەۋ جانە سەنىمدىلىكتى تاربيەلەۋ امالدارى

نۇر-سۇلتان. قازاقپارات. 1. سويلەمدەردى دۇرىس قۇرۋ بىرىنشىدەن، شەبەر سويلەۋگە ۇيرەنۋ ءۇشىن سويلەمدەردىڭ دۇرىس قۇرىلۋىنا نازار اۋدارعان ءجون.

ەگەر ءسىز بىردەن ادەمى سويلەمدەر قۇرا الماساڭىز، العاشقى كەزدەرى ءبارىن جازىپ تۇرۋىڭىزعا تۋرا كەلەدى.

2. سوزدىك قورىن بايىتىڭىز

سوزدىك قورىڭىزدى بايىتۋىڭىز كەرەك. ەگەر ءسىز كىتاپ وقىپ جاتقان كەزدە، نەمەسە ءبىر كىسىمەن اڭگىمەلەسۋ بارىسىندا سىزگە تانىس ەمەس ءسوزدى كەزدەستىرسەڭىز، تۇسىندىرمە سوزدىكتەن بۇل ءسوزدى ىزدەپ ماعىناسىن ءبىلىڭىز، ءارقاشان وسىلاي جاساپ سوزدىك قورىڭىزدى كۇردەلى، ءجيى قولدانبايتىن سوزدەرمەن تولىقتىرىڭىز.

3. كلاسسيكالىق كوركەم ادەبيەتتى كوبىرەك وقىڭىز.

گازەت، جۋرنال، دەتەكتيۆتەردەن گورى، كلاسسيكالىق كوركەم ادەبيەتتى كوبىرەك وقىعان ءجون. كلاسسيكالىق ادەبيەتتىڭ جاقسى جاعى، ول تازا ءتىلدى قولدانادى، سوندىقتان دا ول شەبەر سويلەۋگە، ويدى ناقتى، نانىمدى جانە سالماقتى جەتكىزۋگە كومەكتەسەدى.

4. حالىقتىڭ الدىندا ءسوز سويلەۋ

دوستارمەن شەبەر سويلەسۋگە ۇيرەنۋ ول ءبىر باسقا. ال حالىقتىڭ الدىندا، 100-500 ادامى بار اۋديتوريانىڭ الدىندا ادەمى سويلەۋگە قالاي ۇيرەنۋگە بولادى؟ ەگەر سىزگە حالىقتىڭ الدىندا ءسوز سويلەۋ كەرەك بولسا نەمەسە ماڭىزدى كەزدەسۋ بولسا، تەك وزىڭە عانا سەنۋگە بولمايدى، ەڭ دۇرىسى، الدىنالا ايتاتىن سوزدەرىڭىزدى دايىنداپ، جازىپ العانىڭىز.

وسىنداي ماڭىزدى ساتكە بىرنەشە كۇن بۇرىن الدىنالا دايىندالعانىڭىز ءجون. سونىمەن قوسا جاقىن ادامدارىڭىزعا دايىندالعان سوزدەرىڭىزدى ايتىپ، ولاردان پىكىر تالاپ ەتىڭىز. وسىنىڭ ارقاسىندا ءسىز سوزىڭىزدەگى كەمشىلىكتەرىڭىزدى بايقاپ، ولاردى وزگەرتەسىز.

5. قولمەن جاسايتىن قيمىلدار.

ول ءۇشىن اينانىڭ الدىندا وزىڭمەن ءوزىڭ سويلەسۋىڭىز كەرەك. ءسوزىڭىزدى نەمەسە ءبىر مونولوگتى ۆيدەوعا ءتۇسىرىپ، كەيىن ۆيدەونى قاراپ وتىرىپ سوزىڭىزدەگى كەمشىلىكتەردى ىزدەپ، ولاردى تۇزەتەسىز. باستاپقىدا ءوزىڭىز قولمەن جاساپ تۇرعان قيمىلدارىڭىز ءسىز ءۇشىن ءبىرتۇرلى ىڭعايسىز بولىپ كورىنەدى، ءبىراق كەيىن ۇيرەنىپ قالاسىز.

سەنىمدىلىكتى تاربيەلەيتىن جاتتىعۋلار:

1-جاتتىعۋ. كوشەدە، دۇكەندە، باسقا دا قوعامدىق جەرلەردە ءبىر ادامدى تاۋىپ ونىڭ كوزىنە ول كوزىن جۇمعانعا دەيىن نەمەسە باسقا جاققا نازارىن بۇرعانعا دەيىن تۋرا قاراڭىز، وسىنى كەمىندە ءۇش رەت جاساڭىز. وسى جاتتىعۋ ارقىلى ءسىز باتىلسىزدىق پەن ۇيالشاقتىقتى جەڭە الاسىز.

2-جاتتىعۋ. ءتىل تاپقىش بولۋعا ۇيرەنەنىڭىز. كەز كەلگەن جەردە، كەز كەلگەن سەبەپپەن كەم دەگەندە ءبىر اداممەن تانىسۋ كەرەك. ەگەر ول كىسى سىزگە اتىڭىزدى ايتسا، دەمەك، تانىسۋ ءساتتى بولدى.

3-جاتتىعۋ. دۇكەنگە، بانككە، باسقا قوعامدىق ورىندارعا كەز كەلگەن سىلتاۋمەن كەزەكسىز ءوتىڭىز. ارينە وسى جاتتىعۋ ءسىزدى ادەپسىزدىككە ۇيرەتۋگە باعىتتالعان جوق. ەگەر سىزگە كەدەرگى جاساسا، وسىنداي ساتتەردە ەشتەڭەدەن قورىقپاۋ كەرەك، سىزگە بوگەت جاساسا، وسىعان ارقاشان دايىن بولۋ كەرەكسىڭدەر.

«ەل»