+7 (701) 759 90 19
-17 °С : نۇر-سۇلتان
-5 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ماقتانشاقتىقتىڭ قانداي پايداسى بار؟

16 قىركۇيەك 16:52
:ءبولىسۋ
ماقتانشاقتىقتىڭ قانداي پايداسى بار؟

نۇر-سۇلتان. قازاقپارات - كىشكەنتاي كەزىمىزدەن ءبارىمىزدى ماقتانۋ جامان ادەت دەپ تاربيەلەدى، ادامدار سەنىڭ جەتىستىگىڭدى وزدەرى كورگەنى ءجون دەپ ۇيرەتتى. الايدا، ماقتانۋدا تۇرعان نە تۇر دەگەن سۇراققا ەشبىر اتا-انا ماردىمدى جاۋاپ بەرە المايدى.

ال، ءوزىڭىز جەتىستىكتەرىڭىزدى ايتىپ شىقساڭىز، ءسىزدى ءوزىمشىل ماقتانشاق دەپ سانايدى، ءبىراق بۇل سونشالىقتى ماڭىزدى ما؟ بالكىم، دۇرىس ماقتانۋدىڭ زيانىنان گورى پايداسى كوپ شىعار؟

ءبىر قاراعاندا ماقتانشاقتار - ءوزىمشىل ادامدار سياقتى كورىنەدى. ءبىز ولاردىڭ ماقتانشاقتىعىن سوگەمىز، مىنەز-قۇلقىنا سىن ايتامىز. ءبىراق تەرەڭىرەك ۇڭىلسەك، ولاردىڭ ءىس-ارەكەتىندە ءتيىمدى استار جاتقانىن اڭعارۋعا بولادى. جانە، بالكىم، ءوز تابىسى مەن ساتتىلىگى جايلى ۇيالماي ايتا الاتىن ادامداردان ۇيرەنەرىمىز دە كوپ شىعار؟

1. ماقتانۋ ارقىلى ءوز-ءوزىڭدى تانىتۋعا بولادى

ەگەر اينالامىزداعى ادامداردىڭ تەك قوشامەتىنە بولەنىپ جۇرسەك، ءبىزدىڭ ءوز-ءوزىمىزدى باعالاۋىمىز ارتا تۇسەدى. ال ەگەر ءبىزدىڭ جاقسى ەكەنىمىزدى ەشكىم كورمەي جۇرگەن بولسا جانە جەتىستىكتەرىمىز ءۇشىن ەشكىم ماقتاۋ سوزدەر ايتپايسا، ەستەرىنە سالۋعا تۋرا كەلەدى. الايدا، بۇل امالدىڭ وزىندىك كەمشىلىگى بار: ەگەر تۋىستار، دوستار مەن ارىپتەستەردەن ماقتاۋ ءسوز ەستىپ قانا باقىتقا كەنەلىپ جۇرگەن بولساڭىز، وندا ءوزىڭىزدى باعالاۋىڭىز جايلى ويلانۋ كەرەك.

2. ماقتانشاقتىق قورقىنىشتى جەڭۋگە مۇمكىندىك بەرەدى جانە ەلەس تۋدىرۋعا...

ەلەستەتىڭىزشى: 40 جاستاعى ايەل، ءبىراق جەكە ومىرىندە تىنىشتىق - نە كۇيەۋى، نە بالاسى جوق. بەلگىلى سەبەپتەرمەن ول قالعان كۇنىن جالعىزدىقتا وتكىزەمىن بە دەپ ۋايىمداي باستايدى. وعان قوسا ارىپتەستەرىنىڭ مۇسىركەگىش كوزقاراستارى... ول ەكزوتيكالىق ەلدەرگە جاساعان ساياحاتى، مانساپتاعى تابىستارى مەن جاڭا كولىگى جايلى ماقتانباعاندا نە ىستەيدى؟ مۇنداي ماقتانشاقتىق ءبىراز ۋاقىتقا قورقىنىشىڭ جايلى ۇمىتۋعا جانە باقىتتى ءومىر جايلى ەلەس تۋدىرۋعا مۇمكىندىك بەرەدى. الايدا، ارينە، بۇل شىنايى ماسەلەلەردى شەشپەيدى.

3. ماقتانشاقتىق ءوز جەتىستىگىمىزدى باعالاۋعا ۇيرەتەدى

ەگەر باستىعىڭىزدىڭ ماقتاۋ سوزىنە: «ءجاي، جولىم بولىپ كەتتى» دەپ جاۋاپ بەرىپ ۇيرەنسەڭىز، ءبىر كۇنى جەتىستىگىڭىزدى مۇلدە ەلەمەيتىنىنە دايىن بولىڭىز. ارىپتەستەرىڭىز دە كونگىشتىك مىنەزىڭىزدى بايقاپ، ءسىزدى ءجيى پايدالاناتىن بولادى. ءبىراق ءبىر رەت: «مەن بۇل جوبامدى ۇزاق ۋاقىت جاسادىم جانە ناتيجەسى جاقسى بولىپ شىقتى» دەسەڭىز، اينالاداعى ادامدار سىزگە باسقاشا قارايتىن بولادى. جانە ءسىز دە ءوز جەتىستىگىڭىزدىڭ كەزدەيسوق دۇنيە ەمەس، ەڭبەگىڭىزدىڭ جەمىسى ەكەنىن تۇسىنەسىز.

قالاي ماقتانۋ قۇپتالمايدى؟

ءوز جەتىستىكتەرىڭىز جايلى ايتۋ پايدالى بولعانىمەن، ماقتانشاقتىقپەن اباي بولۋ كەرەك. ول ءۇشىن بىرنەشە ەرەجەنى ۇستانىڭىز:

1. وزگەلەردى كەمسىتپەڭىز. ارىپتەسىڭىزگە جاڭا كولىك العانىڭىز جايلى قۋانا اڭگىمەلەۋ ءبىر بولەك تە، ال سوڭىندا: «سەنىڭ «ۆازىڭنان» جاقسى» دەپ قوسۋ، ءبىر بولەك. ارينە، ءوز ارتىقشىلىعىڭىزدى سەزىنەتىنىڭىز بەلگىلى، ءبىراق بۇل دوس-تانىستارمەن قارىم-قاتىناستى قۇرتۋعا تۇرا ما؟

2. مۇلايىمسىمەڭىز. كوز ءتيىپ كەتەدى دەگەن قورقىنىشپەن مالديۆ ارالدارىندا وتكىزگەن دەمالىسىڭىز جايلى كۇمىلجي اڭگىمەلەۋ وزگەلەردە جاعىمسىز كوزقاراس تۋدىرۋى مۇمكىن. تاماشا دەمالعانىڭىز جايلى جاسىرماي ايتۋدىڭ ورنىنا «قوناق ءۇي ونشا ەمەس بولدى، سۋى سۋىق ەكەن» دەپ ءمۇلايىمسۋ كىمگە دە بولسا جاقپايدى.

3. جىعىلعانعا جۇدىرىق بولماڭىز. قۇربىڭىزدى جاقىندا جىگىتى تاستاپ كەتكەنىن بىلە تۇرا، جىگىتىڭىزدىڭ سىزگە تاماشا توسىن سىي جاساعانى جايلى اڭگىمەلەۋدەن باس تارتىڭىز. ارينە، جاقىن ادامىڭىزعا ومىرىڭىزدەگى ەڭ رومانتيكالىق كەش جايلى ايتقىڭىز كەلەتىنى تۇسىنىكتى، الايدا بۇدان وعان ەكى ەسە اۋىر بولادى.

4. قايتالاي بەرمەڭىز. جەتىستىگىڭىزگە لايىقتى باعا بەرۋى ءۇشىن ءبىر ادامعا ءبىر رەت ايتۋ جەتكىلىكتى. ءبىراق ءار ىڭعايلى ساتتە وتكەن تابىستى جوباڭىز جايلى ەستەرىنە سالىپ وتىرۋدىڭ قاجەتى جوق. ارىپتەستەرىڭىزدە ءسىز جايلى تەرىس پىكىر قالىپتاسۋى مۇمكىن.

5. اسىرىپ ايتپاڭىز. بىلايشا ايتقاندا، ەگەر جىگىتىڭىز سىزگە 33 راۋشان گۇلىن سىيلاسا، ونى بىرنەشە ەسەگە كوبەيتىپ ايتپاڭىز. ال ەگەر باستىعىڭىز ءوتىپ بارا جاتىپ پرەزەنتاتسياڭىزدى ماقتاپ كەتسە، ارىپتەستەرىڭىزگە باستىق جارتى ساعات بويى ماداق سوزدەر ايتتى دەپ وتىرىك ايتپاڭىز. مۇنداي اسىرا اڭگىمەلەۋ كۇلكىلى كورىنەدى جانە بالانىڭ ءىسى سياقتى.

دايىنداعان: انار مۇستافينا

massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات