+7 (701) 759 90 19
-6 °С : نۇر-سۇلتان
7 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

ەسكەندىردىڭ ولىمىنە كىم سەبەپكەر بولعان؟

15 قىركۇيەك 18:29
:ءبولىسۋ
ەسكەندىردىڭ ولىمىنە كىم سەبەپكەر بولعان؟

نۇر-سۇلتان. قازاقپارات -الەمدەگى تاريحتا اتى قالعان ۇلى قولباسشىلاردىڭ ەسىمدەرىن اتاۋ كەرەك بولسا، مىندەتتى تۇردە ەسكەندىر زۇلقارنايىندى ايتىپ وتەمىز. ءوزىنىڭ قىسقا عۇمىرىندا جارتى الەمدى جاۋلاپ الۋعا قالاي قۇدىرەتى جەتكەنىن سوزبەن جەتكىزۋ مۇمكىن ەمەس.

ەۋروپانىڭ پايىمىندا الەكساندر ماكەدونسكي اتىمەن قالعان تاريحي تۇلعانىڭ ءبىز بىلمەيتىن قۇپيالارى بار ما؟ ونىڭ مەزگىلىنەن تىس ۋاقىتتا، قۇپيا تۇردە قايتىس بولۋىنا كىم ءيا بولماسا نە تۇرتكى بولعان؟ وسىنى تالداۋعا تىرىسىپ كورەلىك.

ماكەدونسكي جاستايىنان سوعىسقا قۇمار بولىپ وسەدى. ول تۋرالى ونىڭ ۇستازى اريستوتەلدىڭ جازبا دەرەكتەرىندە دە كەزدەستىرۋگە بولادى. اريستوتەل: «ماكەدونسكيلەردىڭ ءۇشىنشى ۇرپاعى كونە گرەك اڭىزدارىن تىڭداپ ءوستى. اسىرەسە، گومەردىڭ «يلليادا» داستانىن قايتارىپ وقۋدان جالىقپايتىن. ءاحيللدى وزىنە ءپىر تۇتاتىن»، - دەيدى. راسىندا، الەكساندر اتى اڭىزعا اينالعان باتىر ءاحيللدىڭ وزگە كەيپىن قالىپتاستىرعان سياقتى.

گرەك قۇمىراسىنىڭ سىرتىندا بەينەلەنگەن ماكەدونسكي، ب. ز. ب. 331 - جىل. لۋۆر مۇراجايى، پاريج

ەسكەندىردىڭ ەرتە ومىردەن وزۋىنىڭ ءبىر فاكتورى وسى داستان جەلىسى بولسا كەرەك. ءامىرحان بالقىبەكتىڭ «قاسقىر قۇداي بولعان كەز» اتتى ەڭبەگىندە اۆتوردىڭ اتتستەكتەر يمپەرياسىنىڭ تۇبىنە جەتكەن ءبىر كىتاپ دەگەنىندەي، مەن دە وسىنداي پىكىرگە كەلىپ وتىرمىن. احيلل ترويا سوعىسىنا بارماس بۇرىن، اناسى: «ەگەر تروياعا قول باستاپ بارار بولساڭ، سەنىڭ اتىڭ ماڭگى ادامزات تاريحىندا قالادى. مىڭداعان جىلدار بويى سەن تۋرالى جىرلار ايتىلىپ، جازىلاتىن بولادى. دەگەنمەن، سەن ول جەردەن قايتىپ ورالمايسىڭ»، - دەگەن بولاتىن.

بۇل پارادوكس پا الدە جاي عانا سايكەستىك پە؟ ۇلى الەكساندردىڭ اناسى وليمپيا دا ونىڭ شىعىسقا جاساعالى تۇرعان جورىعى تۋرالى وسىنداي پىكىرىن ايتقان ەكەن. جاستايىنان ءاحيللدىڭ بولمىسىن تانىپ بىلگەن الەكساندر ۇلى جورىقتار جاساۋدى تاڭداۋعا بەل بۋادى.

ەسكەندىردى جەرلەۋ ءراسىمى، ⅩⅨعاسىرداعى يلليۋستراتسيا
قازىرگى كەزگە دەيىن، عالىمدار اراسىندا ەسكەندىردىڭ ءولىمى تۋرالى ورتاق پىكىر قالىپتاسقان ەمەس. 1996 - جىلى ەۆگين بورزا ەسىمدى ماكەدونتانۋشى عالىم ا ق ش-تىڭ مەريلەند ۋنيۆەرسيتەتىندە الەكساندردىڭ كونە تابىتىن اشىپ، مەديتسينالىق ساراپتاما جۇرگىزەدى. ساراپتاما ناتيجەسى بويىنشا، ونىڭ ولىمىنە مالياريا جانە وكپە اۋرۋى دەگەن دياگنوزدار بەرىلەدى. ءبىراق باسقا عالىمداردىڭ پىكىرى وزگەشە. قولباسشىنىڭ ازياعا ءجۇرىسى بارىسىنداعى كليماتتىق بەلدەۋدىڭ اۋىسۋى مەن ءشولدى ايماقتارداعى تۇتىنعان سۋدىڭ كەسىرى تيگەنىن العا تارتادى.

دەگەنمەن، ونى دا نەگىزگى تاريحي دەرەك دەۋگە كەلمەيدى. ونىڭ اسكەرى ورتا ازيانىڭ وڭتۇستىك بولىگىنە كەلگەندە (قاراقۇم ايماعى، قازىرگى تۇرىكمەنستان جەرى) سۋدان ۋلانادى. ءبىراق ەسكەندىر مەن ونىڭ ۇزدىك قۇرامىنا قىسىر سۋ اسەر ەتپەگەن بولاتىن. سەبەبى ەليتا قولدانعان ىدىستارىنىڭ كۇمىستەن جاسالىنعانى ولاردى امان الىپ قالعانىن ماكەدونتانۋشى تاريحشىلار العا تارتادى.

ەسكەندىر يمپەرياسى، ب. ز. ب. 323 - جىل

ال بىزگە جەتكەن اڭىزداردىڭ جەلىسىنە ءمان بەرەر بولساق، كەيبىر دەرەكتەردە باتىر قولباسشى ءوليمپتىڭ تورەسى زيەۆستىڭ ۇلى دەپ تە كەلتىرىلەدى. ونىڭ اكەسى فيليپپتىڭ تاپپاعان ابىرويىنا كەنەلۋىنىڭ ءبىر سەبەبى دە وسى اقيقاتقا اينالعان اڭىز بولعان بولۋى كەرەك. ودان بولەك، ماكەدونسكيدىڭ ءبىرىنشى جۇبايى روكسانا ءبىزدىڭ اتا-تەگىمىز بولعان ماسساگەتتەردىڭ حانشايىمى بولعان دەگەن تاريحي دەرەككە سۇيەنسەك، ونى ولتىرگەن سول روكسانا دەپ وي تۇيە الامىز.

سەبەبى ماكەندونسكي كونە تۇركى مەكەنىن الۋعا تالپىنىس جاساعان كەزدە، بابالارىمىزدىڭ قانشاما قانى توگىلەدى. سوسىن بەيبىت شەشىمنىڭ بەينەسى رەتىندە ەسكەندىر مەن روكسانانىڭ نەكەسى قيىلادى. ءوز تۋعاندارى ءۇشىن كەك العان روكسانا حانشايىمنىڭ ەرلىگى، وعان دەيىن جازىلعان گەرودوتتىڭ «تاريح» ەڭبەگىنىڭ جەتىنشى كىتابىندا ساقتاردىڭ ەرلىكتەرى تۋرالى مالىمەتتەردە كەلتىرىلگەن بولاتىن.

الەكساندر تابىتى، تۇرىك ارحەولوگيالىق مۇراجايى، ستامبۇل قالاسى

ماقالانى جازۋ كەزىندە سىزدەرگە ءبىرشاما تاريحي دەرەكتەر مەن جەكە تۇجىرىمداردى بەرۋگە تىرىستىق. تاريحتىڭ شىنايى بەينەسىن تابۋ، راسىندا، تابىلعان دەرەكتەرگە تىكەلەي بايلانىستى بولاتىندىقتان، ەسكەندىردىڭ قۇپياسى ازىرگە جابىق كۇيىندە قالىپ وتىر. ار جاعىندا قانداي وي تۇيەسىز، ەندى ول سىزدەردىڭ جەكە باستارىڭىزدىڭ تالداۋىندا بولادى.

اۆتور: جولداس ورىسبايەۆ

massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات