ەكى اعايىندى جىگىت انالارىنا تالاسىپ، سوتقا جۇگىنگەن

None
None
نۇر-سۇلتان. قازاقپارات - ساۋد ارابياسىندا ەكى اعايىندى، ياعني، تۋعان اعاسى مەن ءىنىسى اناسىنا قامقور بولۋ ءۇشىن تالاسىپ قالعان.

«اعاسى حايزان ءال-فاحايدي اناسىن ىنىسىنە بەرۋدەن باس تارتقان. وسىعان بايلانىستى ءىنىسى اعاسىنىڭ ۇستىنەن سوتقا شاعىم تۇسىرگەن» دەپ جازادى islam.kz سايتى.

باقساق، اعايىندىلار اناسىنىڭ قالدىرار مۇراسى ءۇشىن ەمەس (جالعىز جۇزىگىنەن باسقا مۇراسى بولماعان)، ساۋاپ ءۇشىن ءبىر-بىرىمەن تالاسقان ەكەن. ءسويتىپ، سوتقا جۇگىنگەندە سوت القاسى الدىمەن اناسىنا ءسوز بەرگەن كورىنەدى. ال انا بولسا ەكى ۇلىن دا بولە-جارماي: «بىرەۋى مەنىڭ وڭ كوزىم بولسا، ەكىنشىسى - سول كوزىم»، - دەپ جاۋاپ بەرگەن كورىنەدى. ايتسە دە سوت القاسى اقىلداسا كەلە اعايىندىلار اراسىنداعى تالاس-تارتىستى كىشى ۇلدىڭ پايداسىنا شەشكەن. ويتكەنى، ونىڭ دەنساۋلىعى اعاسىنا قاراعاندا مىقتى بولىپ شىققان.


سوڭعى جاڭالىقتار