ايەل ادامنىڭ داۋىسى ونىڭ جۇمىسقا ورنالاسۋىنا اسەر ەتەدى
ياعني، شىڭكىلدەگەن تومەن داۋىس ايەل ادامنىڭ تارتىمسىز بولمىسىن قالىپتاستىرادى ەكەن. بۇل اسىرەسە، جۇمىس ىزدەۋشى ايەلدەر ءۇشىن وتە ماڭىزدى،
دەپ جازادى The Deccan Chronicle.
ول ءۇشىن تاجىريبە جۇرگىزىلىپ، جەتى جاس ايەل مەن ەر ادام وزدەرىنىڭ قالىپتى جانە ءسال قارلىققان داۋىستارىن جازىپ العان. كەيىن جازىپ العان داۋىستارىن 800 ەرىكتى بار توپتىڭ ىشىندە ويناتقان. ولار جازىلعان داۋىس يەسىنىڭ قانشالىقتى ءبىلىمدى، بىلىكتى، سەنىمدى جانە تارتىمدى ادام ەكەنىن انىقتاۋ كەرەك بولدى. سونىمەن بىرگە، ولار داۋىستى تىڭداۋ ارقىلى كىمدى جۇمىسقا الاتىندىقتارىن ايتقان.
ناتيجەسىندە، ەرىكتىلەر 80 پايىز جاعدايدا قالىپتى داۋىس يەلەرىن تاڭداعان. داۋىستى جازۋ كەزىندە ادام داۋىسىن ادەيى قارلىقتىرسا، ەرىكتىلەر ونى تومەن باعالاپ، جۇمىسقا قابىلداعىسى كەلمەيتىندىكتەرىن كورسەتكەن. قارلىققان داۋىس يەلەرى سەنىمسىز ادامدار دەپ سانالسا كەرەك.