الەمدەگى ەڭ داۋلەتتى ادامنىڭ وقۋشىلارعا بەرگەن كەڭەسى

نۇر-سۇلتان. قازاقپارات - الەمگە ايگىلى، جاھانعا تانىمال بيلل گەيتس وقۋشىلار الدىندا شىنايى ءومىر تۋرالى ءوزىنىڭ ومىرلىك تاجىريبەسىمەن بولىسكەن بولاتىن.

اتاقتى كومپيۋتەر قولدانۋشىسىنىڭ بالالارعا بەرگەن وسيەتىن ماسساگەت ۇجىمى قاجەتتى دەپ تاۋىپ، جالپى وقىرمان قاۋىمعا اسىرەسە ۇلكەن ومىرگە اياق باسقالى وتىرعان جاس وسپىرىمدەرگە ۇسىنادى.

1. ءومىر مۇلدەم ادىلەتسىز جانە بۇنىمەن كەلىسەتىن ۋاقىت جەتتى؛

2. سەنى ەشكىم ايامايدى. جانە سەنىڭ ار-نامىسىڭدى ەسكەرمەي جاتىپ، ءبارى سەنەن ۇلكەن جەتىستىكتى تالاپ ەتەدى؛

3. مەكتەپ بىتىرىسىمەن سىزگە جىلىنا 50 ا ق ش دوللارىن تولەۋى ەكىتالاي. جەتىستىككە جەتپەگەنشە ەشكىم سىزگە جەكە جۇرگىزۋشىسى مەن ليمۋزين بەرمەيدى؛

4. قازىر ءسىز مۇعالىمدەر تىم تالاپ قويعىش جانە وتە قاتال دەسەڭىز وندا بولاشاق باستىعىڭىزبەن تانىسۋدى كۇتە تۇرىڭىز. سەبەبى باستىعڭىزدىڭ مانساپقا جەتۋى ءسىزدىڭ قالاي جۇمىس ىستەگەنىڭىزگە بايلانىستى بولادى؛

5. ماكدونالدستا اسپازشى بولۋ -ارىڭىزدىڭ تومەندەگەنى ەمەس. سونداي جۇمىستىڭ ءوزىن اكە-شەشەڭىز، نە بولماسا اتا-بابالارىڭىز تاماشا مۇمكىندىك دەپ ەسەپتەر ەدى.

6. جەكە ساتسىزدىكتەرىڭىزگە بايلانىستى اتا-اناڭىزدى كىنالاۋعا بولمايدى. دۇرىسى، سول قاتەلىكتەرگە قاراپ جاقسى شەشىم شىعارىپ ۇيرەنىڭىز؛

7. دۇنيەگە كەلمەس بۇرىن سەنىڭ اكە-شەشەڭ كۇندەلىكتى كورىپ جۇرگەنىڭدەي جابىرقاڭقى، كوڭىلسىز ەمەس، قاباق شىتۋدى بىلمەيتىن، جىگەرلى دە كوڭىلدى بولاتىن. ولاردىڭ مۇنداي كۇيگە ەنۋى سەنىڭ بالالىق شاعىڭ قايعى-ۋايىمسىز، قىزىقتى جانە كوڭىلدى بولۋى ءۇشىن كۇنى-ءتۇنى ايانباي ەڭبەك ەتكەننىڭ اسەرى؛

8. ومىردە ۇزدىك اتانۋ مەكتەپتە وزات بولۋدان الدەقايدا جوعارى. كەيبىر مەكتەپتەردە ۇزدىكتەر مەن ناشارلاردى بولمەۋ ءۇشىن باعا قويماسا، شىنايى ومىردە مۇلدەم ولاي ەمەس...

9. الداعى ومىرلەرىڭىز سەمەسترلەرگە، دەمالىس كۇندەرگە بولىنبەيتىن بولادى.

10. شىنايى ءومىردى كينودان كورەتىن ۋايىمسىز ومىرمەن شاتىستىرۋدىڭ قاجەتى جوق. شىنايى ومىردە ۋاقىتىڭىزدىڭ ءبارىن كوفەحانادا ەمەس جۇمىستا وتكىزۋگە تۋرا كەلەدى.

11. ءارقاشان بوتانيكتەرمەن، كوزىلدىرىك كيگەن وقىمىستىلارمەن جاقسى قارىم-قاتىناستا بولۋعا تىرىسىڭىز. ءدال سولاردىڭ بولاشاقتا ءسىزدىڭ باستىعىڭىز بولۋ ىقتيمالدىلىعى جوعارى.

رەداكسيادان: ا ق ش ەلىنىڭ وقۋ جۇيەسى ەلىمىزدىڭ وقۋ جۇيەسىنەن ءبىرشاما ايىرماشىلىقتارى بولعاندىقتان كەڭەستەردىڭ كەيبىر تارماقتارى قازاق جاستارىنا ساي ەتىلىپ وزگەرتىلگەن.

سۋرەت: pcmobi.ru, bavinanadya.blogspot.com سايتتارىنان الىنعان