بۇقار جىراۋ قالقامان ۇلى
جىراۋدىڭ رۋى - ارعىن، ارعىن ىشىندە قارجاس، ونىڭ ىشىندە - التىنتورى. كەزىندە بۇقار ارعىن رۋىنىڭ قابىرعالى بيلەرىنىڭ ءبىرى بولعان؛ ءومىرىنىڭ بىراز شاعىن حان سارايىنىڭ، ياعني، ابىلايدىڭ ماڭىندا وتكىزىپ، ەل باسقارۋ ىسىنە بەلسەنە قاتىسقان. ول ابىلايدىڭ اقىلشىسى، كەي تۇستا قاتەلىگىن تۇزەپ وتىرار داناسى، ەل مەن حاندى قوسقان دانەكەر ىسپەتتى بولادى
سوندىقتان قارت جىراۋ ءومىر قۇبىلىسى مەن دۇنيە زاڭدىلىقتارىن، الەۋمەتتىك جاعداي مەن ادام تىرشىلىگىن پاتريارحالدىق قوعامنىڭ تۇرعىسىنان ءتۇسىنىپ جىرلايدى. دەمەك، ول نەگىزىندە ەسكىلىكتى كوكسەپ، كەرتارتپا كوزقاراستىڭ شەڭبەرىنەن شىعا الماعان. ايتسە دە، بۇقار جىراۋ مۇرالارىنىڭ ىشىندە ءوز زامانىن، سول كەزدەگى كەيبىر تاريحي شىندىقتاردى بەينەلەيتىن تولعاۋ - جىرلار مەن شەشەندىك-ناقىل سوزدەرى از ەمەس.
بۇقار - جىراۋ بولعاندىقتان كوبىنەسە تولعاۋ ءتۇرىن پايدالانادى، ونىڭ شىعارمالارىندا فيلوسوفيالىق ويلارىن تۇيەتىن شەشەن ورنەكتەر، ايشىقتى سوزدەر، وتكىر افوريزمدەر ءجيى ۇشىراسادى. ولەڭدەرىنىڭ بارشاسى دەرلىك ەركىن ۇيقاسپەن جەتى - سەگىز بۋىندى جىر تۇرىندە ورىندالعان.
بۇقار مۇسىلمانشا وقىعان ساۋاتتى بولعان. بىزگە جەتكەن جىرلارى 1200 شاماسىندا جول. جىراۋ ولەڭدەرىنىڭ بۇگىنگە دەيىن جەتۋى - ماشهۇر - ءجۇسىپ كوپەيەۆ جازىپ قالدىرعان مۇرا. اباي ولەڭدەرىن ماشهۇر - ءجۇسىپ كوشىرمەلەرى ارقىلى بىلەمىز. بۇقار جازبالارىنىڭ بىزگە جەتپەگەنى دە كوپ بولۋى كەرەك. بۇعان : «بۇل كىسىنىڭ ءسوزىن تۇگەل جازامىن دەۋشىگە نۇحتىڭ ءومىرى، ايۋبتىڭ سابىرى، اپلاتوننىڭ اقىلى كەرەك»، ─ دەگەن ماشهۇر ءسوزى دالەل. 1781 -جىلى دالبا تاۋىندا ومىردەن وتەدى.
بۇقار ولەڭدەرىن ءومىر، بىرلىك، ەرلىك، جانە ابىلاي تۋرالى دەپ بولۋگە بولادى.
ايەل جايىندا، جار تۋرالى جىراۋ ءوز تولعامىن ايتادى.
بىرلىك جايىندا تولعاپ، بولىنبەۋ كەرەك ەكەنىن دە باسا ايتىپ، قازاق تۇتاستىعىن كەرەكسىنەدى.
ەرلىكتى، ورلىكتى ناسيحاتتايدى، كىمنەن ساقتانۋدى ەسكەرتەدى.
جىراۋ كەيدە ابىلايدى اسىرا كوتەرىپ، كەي شاقتا قاتال سىيىنادى. دالا دەموكراتياسىنىڭ ناعىز، حاس ۇلگىسىن كورسەتەدى.
ءبولىسۋ:
