ورالحان بوكەي
ۇلكەننارىم اۋدانىنداعى «ەڭبەك تۋى» گازەتى مەن شىعىس قازاقستان وبلىسىنىڭ «كوممۋنيزم تۋى» گازەتىنىڭ رەداكسيالارىندا جۇمىس ىستەگەن. 1968 - جىلدان باستاپ الماتىدا تۇردى، «لەنينشىل جاس» («جاس الاش») گازەتى مەن «جۇلدىز» جۇرنالىنىڭ رەداكسيالارىندا جۇمىس ىستەدى
1991 -جىلدان باستاپ «قازاق ادەبيەتى» گازەتىنىڭ باس رەداكتورى بولىپ تاعايىندالدى. ونىڭ بارلىق پروزاسى قايىرىمدىلىق پەن زۇلىمدىق، كۇش پەن قايرات، ناعىز جانە الدامشى رۋحاني قۇندىلىقتار تۋرالى ويلاۋعا باعىتتالعان. ورالحان - كوركەم ءسوز ونەرىنىڭ شەبەرى. ونىڭ تۋىندىلارىنىڭ فورما جاعىنان وزىندىك ەرەكشەلىگى بار. ونىڭ كىتاپتارى كوپتەگەن شەتەل تىلدەرىنە اۋدارىلدى. و. بوكەي - قازاقستان رەسپۋبليكاسىنىڭ مەملەكەتتىك سىيلىعىنىڭ، قازاقستاننىڭ جاستار وداعى سىيلىعىنىڭ، مەملەكەتتىك سىيلىعىنىڭ لاۋرەاتى (1986). 1993 -جىلى مامىردا شىعارماشىلىق ءىسساپار كەزىندە ءۇندىستاندا قايتىس بولعان.
«قامشىگەر»، «ۇركەر»، «قايداسىڭ، قاسقا قۇلىنىم»، «مۇزتاۋ»، «ءان سالادى شاعىلدار»، «ۇركەر اۋىپ بارادى»، «ءبىزدىڭ جاقتا قىس ۇزاق»، «اتاۋ كەرە» اڭگىمەلەر مەن پوۆەستەر جيناقتارى، «ءوز وتىڭدى وشىرمە» رومانى، «قۇلىنىم مەنىڭ» پەسالار جيناعى شىققان. پەسالارى ەلىمىز بەن شەتەل ساحنالارىندا قويىلعان. جازۋشىنىڭ شىعارمالارى بويىنشا «كىسىكيىك»، «سايتان كوپىر» فيلمدەرى تۇسىرىلگەن. «كەربۇعى» اڭگىمەسىنىڭ جەلىسى بويىنشا بالەت-سپەكتاكل قويىلدى.
