16:52, 27 - جەلتوقسان 2010 | GMT +6
مارعاسقا جىراۋ
ءومىرى تۋرالى ناقتى دەرەكتەر ساقتالماعان. ونىڭ ەسىم حاننىڭ جورىق جىراۋى بولعانىن، 1627- جىلى تۇرسىن حاننىڭ بۇلىگىن باسۋعا قاتىسقانىن عانا بىلەمىز.
الايدا ءبىزدىڭ زامانىمىزعا جەتكەن ساناۋلى جىر جولدارى ونىڭ قازاق پوەزياسىنداعى كونە ءداستۇردى جالعاستىرۋشى وت ءتىلدى، وراق اۋىزدى جىراۋ بولعاندىعىن كورسەتەدى. مارقاسقا - ەسىم حاننىڭ ءومىرى مەن ەرلىك ىستەرى سۋرەتتەلەتىن جەتى مىڭ جولدىق «ەڭسەگەي بويلى ەر ەسىم» اتتى تاريحي جىردى العاش جىرلاۋشى.
ەي، قاتاعاننىڭ حان تۇرسىن
ەي، قاتاعاننىڭ حان تۇرسىن،
كىم ارامدى انت ۇرسىن!
جازىقسىز ەلدى ەڭىرەتىپ،
جەر ءتاڭرىسىپ جاتىرسىڭ.
حان ەمەسسىڭ، قاسقىرسىڭ،
قارا الباستى باسقىرسىڭ.
التىن تاقتا جاتساڭ دا،
اجالى جەتكەن پاقىرسىڭ!
ەڭسەگەي بويلى ەر ەسىم
ەسىگىندە كەلىپ تۇر:
العالى تۇر جانىڭدى،
شاشقالى تۇر قانىڭدى!