قازتۋعان جىراۋ ءسۇيىنىش ۇلى

قازاق ادەبيەتىنىڭ العاشقى ءتولباسىلارىنىڭ ءبىرى قازتۋعان شامامەن 15- عاسىردىڭ 20-30- جىلدارىندا ەدىل بويىندا، قازىرگى استراحان وبلىسىنىڭ قراسنىيار قالاسى ماڭىندا تۋادى. اكەسىنىڭ اتى ءسۇيىنىش

كوشپەندى شونجارلار اۋلەتىنەن شىققان قازتۋعان ەدىلدىڭ سالالارى اقتۇبا، بوزان بويىن جايلاعان تۇركى تايپالارىنىڭ رۋباسى كوسەمى، اسكەرباسى باتىرى بولادى. ءداشتى-قىپشاقتا XV عاسىردىڭ ۇزىنا بويىنا سوزىلعان بۇلعاق كەزىندە ونىڭ كىمدەردى جاقتاعانى، نە ىستەگەنى بەلگىسىز. تەك عاسىردىڭ ەكىنشى جارتىسىندا ءوز قاراۋىنداعى رۋلارىمەن بىرگە ەدىلدەن اۋىپ، قازاق ورداسىنىڭ قۇرامىنا وتكەندىگىن بىلەمىز. ءسىرا، بۇل - قازاقتاردىڭ قازىرگى قازاقستان جەرىنىڭ ورتالىق جانە باتىس بولىگىن تۇگەلگە جۋىق قايتا يەلەنىپ، ءبىرشاما كۇشەيگەن شاعى، ياعني 1460-1480- جىلداردىڭ اراسى بولسا كەرەك.