قالداربەك نايمانباي

قالداربەك نايمانباي (1939-2004) 1939 - جىلى 16-ناۋرىزدا وڭتۇستىك قازاقستان وبلىسى ماقتاارال اۋدانى اسىق اتا اۋىلىندا تۋعان.

1961 - قازمۋ- دىڭ جۋرناليستيكا ءبولىمىن بىتىرگەن. قازىرگى «جاس الاش» گازەتىندە ادەبي قىزمەتكەر، ءبولىم مەڭگەرۋشىسى، جاۋاپتى حاتشى، باس رەداكتوردىڭ ورىنباسارى بولدى

1970-76 جىلدارى «ءبىلىم جانە ەڭبەك» جۇرنالىنىڭ باس رەداكتورى، 1976-96 - جىلدارى «جالىن» جانە «جازۋشى» باسپالارىنىڭ ديرەكتورى، «ارا» جۇرنالىنىڭ باس رەداكتورى، قازاقستان جازۋشىلار وداعى باسقارماسىنىڭ ءبىرىنشى حاتشىسى قىزمەتتەرىن اتقاردى. 1992 - جىلدان ءومىرىنىڭ سوڭىنا دەيىن دۇنيەءجۇزى قازاقتارى قاۋىمداستىعى ءتورالقاسى ءتوراعاسىنىڭ ءبىرىنشى ورىنباسارى بولىپ ىستەدى. «قوشتاسقىم كەلمەيدى» ، «باستاۋ» ، «سول ءبىر ءتۇن» ، «ءۇمىت وتكەلى» ، «بەيمازا قوناق» ، «اپتاپ» ، «شىلدە» ، «كوكتوبە» پروزالىق كىتاپتارىنىڭ اۆتورى.