ورازبەك سارسەنباي
1962 -جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەننەن كەيىن شيەلىدە قازاق ءتىلى مەن ادەبيەتى ءپانىنىڭ مۇعالىمى، «جاس الاش» گازەتىندە ادەبي قىزمەتكەر، «جۇلدىز» جۇرنالىندا (1968-1973)، «قازاق ادەبيەتى» گازەتىندە (1974-1982) ءبولىم مەڭگەرۋشىسى، قازاقستان جازۋشىلار وداعىندا (1982-1986) ادەبي كەڭەسشى، 1987-1993 -جىلدارى «جازۋشى» باسپاسىنىڭ باس رەداكتورى، 1993-1995 -جىلدارى «ونەر» باسپاسىنىڭ ديرەكتورى بولعان. 1996 جىلدان كۇنى بۇگىنگە دەيىن «قاينار» باسپاسىنىڭ ديرەكتورى. «جالعىز كۇركە» (1967)، «ساعىم» (1970)، «تاڭبالى تاس» (1971)، «باقىت قۇسى» (1973)، «جيدە گۇلدەگەندە» (1977)، «ادامدار باقىت ىزدەيدى» (1978)، «ۋادە (1980) پوۆەستەر مەن اڭگىمەلەر جيناقتارىنىڭ، «شامشىراق»، «شەڭبەر» روماندارىنىڭ جانە باسقا دا شىعارمالاردىڭ اۆتورى. «شەڭبەر» رومانى ءۇشىن قازاقستان رەسپۋبليكاسىنىڭ مەملەكەتتىك سىيلىعىن الدى (2000).
