بەردىبەك سوقپاقباي

قازاق بالالار جازۋشىسى. بەردىبەك سوقپاقباي (1924-1991) الماتى وبلىسى نارىنقول اۋدانى قوستوبە اۋىلىندا دۇنيەگە كەلدى

اتا-اناسىنان ەرتە ايرىلعان ول كىسىلەردىڭ قولىندا جۇرگەن. بالالىق شاعىنداعى باسىنان وتكەن قيىندىقتار مەن جوقشىلىق جايلى «بالالىق شاققا ساياحات» كىتابىندا بەينەلەنگەن. 1950 -جىلى «بۇلاق» اتتى تۇڭعىش جيناعى شىقتى. بالالارعا ارناپ «مەنىڭ اتىم قوجا»، «اياجان»، «گاۋهار» ت.ب. پوۆەستەر، «كەزدەسۋ»، «بوزتوبە» پوەمالارىن جازعان. «قازاق فيلم» ستۋدياسىندا «مەنىڭ اتىم قوجا» پوۆەسى بويىنشا فيلم ءتۇسىرىلدى. اباي اتىنداعى قازاق پەداگوگتىك ينستيتۋتىنىڭ فيلولوگيا فاكۋلتەتىن بىتىرگەن. بىرنەشە جىل اۋىلدا مۇعالىم بولىپ ەڭبەك ەتتى. «قازاق فيلم» كينوستۋدياسىندا رەداكتور بولىپ، «قازاق ادەبيەتى»، «بالدىرعان» باسىلىمدارىندا قىزمەت ەتتى. كەيىن قازاقستان جازۋشىلار وداعىندا بالالار ادەبيەتى بويىنشا ادەبي كەڭەسشى قىزمەتىن اتقاردى.