ماقالالار مەن اقپاراتتاردا ءجيى ۇشىراساتىن تەرميندەر مەن قىسقارتىلعان اتاۋلاردىڭ تۇسىندىرمە سوزدىگى

قازاق اقپارات اگەنتتىگى سايتىنىڭ بەتىندە جارىق كورەتىن كۇندەلىكتى جاڭالىقتارى مەن ماقالالارىندا ءجيى كەزدەسەتىن شەتەلدىك سوزدەر مەن قىسقارعان سوزدەردىڭ، جاڭا تەرميندەردىڭ بەي رەسمي تۇسىندىرمە سوزدىگىن نازارعا تارتادى.

ا

ا ش م - قازاقستان رەسپۋبليكاسى اۋىل شارۋاشىلىعى مينيسترلىگى

اگروونەركاسىپ - اۋىل شارۋاشىلىق ونەركاسىبى

اكسيونەرلىك قوعام - ۇلەستىك قاتىسۋمەن (ءبىر نەمەسە بىرنەشە تۇلعانىڭ) قۇرىلاتىن كاسىپورىن نەمەسە شارۋاشىلىقپەن اينالىساتىن قوعام.

اكتيۆتەر باعاسى - مەكەمە، ۇيىم، كومپانيا نەمەسە كاسىپورىننىڭ قولما-قول اقشالاي ەمەس (باعالى قاعازدارى، جىلجيتىن، جىلجىمايتىن مۇلىكتەرىنىڭ) قاراجاتتارىنىڭ باعاسى

اربيتراجدىق سوت - تورەلىك سوت

ب

ب ع م - قازاقستان رەسپۋبليكاسى ءبىلىم جانە عىلىم مينيسترلىگى

ب ا ق - بۇقارالىق اقپارات قۇرالدارى

برەند - ءبىر كومپانيانى نەمەسە ەلدى، ايماقتى تانىتاتىن ءونىم نەمەسە ءونىمنىڭ اتاۋى. ەلدىڭ ەڭ كورىكتى جەرىن برەند دەۋگە بولادى. مىسالى، قازاقستاننىڭ تۋريستىك برەندى بۋراباي نەمەسە قارقارا دەۋگە، قازاق ونىمىنە قاتىستى قازاقتىڭ قازىسى مەن قىمىزى برەند دەۋگە لايىق.

بانكروت - توقىراۋ، كاسىپورىن، ۇيىم نە بانك ت.ت. جۇمىسى توقىراپ، جابىلىپ قالۋى

بارەلەف - بەينە بەدەر، كەسكىن؛ ءبىر زاتتىڭ بەتىنە سۋرەتتى بەدەرلەپ بەينەلەۋ

بيلبورد - جارناما ىلىنەتىن ۇلكەن تاقتا

بيۋدجەت - مەملەكەتتىڭ شىعىستارى مەن كىرىستەرىنەن قۇرالاتىن قارجى-قاراجات قورجىنى

براكونەر - زاڭسىز جولمەن اڭ-قۇس، بالىق اۋلاۋشى

ءى

ءىءى م - قازاقستان رەسپۋبليكاسى ىشكى ىستەر مينيسترلىگى

ءى ي س م - قازاقستان رەسپۋبليكاسى يندۋستريا جانە ساۋدا مينيسترلىگى

ۋ

ۆەدومستۆو - مەكەمە

ۆيسە-مينيستر- ءمينيستردىڭ ورىنباسارى

گ

گۋمانيتارلىق - ىزگى، ىزگىلىك ماعىناسىندا

گرانت - ءبىر سالانى نەمەسە جوبانى قولداۋعا بولىنگەن قايتارىمسىز قارجى-قاراجات

د

د س م - قازاقستان رەسپۋبليكاسى دەنساۋلىق ساقتاۋ مينيسترلىگى

دوكترينا - قۇجات

دامۋ پەرسپەكتيۆاسى - دامۋ بولاشاعى

دەپارتامەنت - مينيسترلىكتىڭ، كومپانيانىڭ، مەكەمەنىڭ ىشكى قۇرىلىمدىق باسقارمالارى

دوتاسيا - (قارجى-قاراجاتتىق قولداۋ)

دوتاسيالىق وبلىس - ءوزى تابىس تابا الماعاندىقتان، مەملەكەتتىڭ قارجىلىق قولداۋىنا سۇيەنىپ وتىرعان وبلىس

دەپوزيت - سالىم، بانككە سالىپ قويعان قاراجات سالىمى

دەموگرافيا - حالىق سانى (ءوسىمى، كەمۋى)

دەپرەسسيا - جابىعۋ، تورىعۋ، كۇيزەلۋ سەكىلدى ۇعىمدارىنا بالاما ۇعىم.

ە

ە ب ج م - قازاقستان رەسپۋبليكاسى ەكونوميكا جانە بيۋدجەتتىك جوسپارلاۋ مينيسترلىگى

ەڭبەكمين - قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى

ەڭبەك ينسپەكسياسى (ەڭبەك ينسپەكتورى) - ەڭبەك زاڭدىلىقتارىن قاداعالايتىن قىزمەت؛ ەڭبەك ۋاكىلى

ە ق ى ۇ - ەۋروپاداعى قاۋىپسىزدىك جانە ىنتىماقتاستىق ۇيىمى

ەروتيكالىق - انايى

ز

زياتكەرلىك - ينتەللەكتۋالدىق دەگەن ءسوزدىڭ اۋدارماسى؛ زياتكەرلىك مەنشىك دەگەن بار، وعان بەلگىلى ءبىر ادامنىڭ اۆتورلىق قۇقىق كۋالىگىمەن راستالعان شىعارمالارى، ونەرتابىستارى كىرەدى. مۇنى زياتكەرلىك مەنشىك دەيدى، ول زاڭمەن قورعالادى.

ي

ينفلياسيا - ءونىم،قىزمەت جانە تاۋار باعاسى ءوسىمىنىڭ تابىسقا قاتىستى العانداعى ءوسىمىنىڭ ۇلعايۋى (ەڭبەك اقى دەڭگەيى وسپەسە دە، ازىق-تۇلىك، كيىم-كەشەك باعاسىنىڭ قىمباتتاۋى)

يندۋستريا - بەلگىلى ءبىر سالامەن ساباقتاس بارلىق ءوندىرىس پەن ونەركاسىپتىڭ جيىنتىق ۇعىمى. مىسالى مۇناي يندۋسترياسى دەگەندە، ونىڭ قۇرامىندا مۇنايدى ءوندىرۋ، تاسىمالداۋ، وڭدەۋ ءىسىنىڭ ءارقايسىسى ءوز الدىنا جەكە سالالىق تارماقتار، ءبىراق مۇنايمەن بايلانىستى بولعاندىقتان، تۇتاستاي العاندا مۇناي يندۋسترياسى دەگەن ءبىر ۇعىمنىڭ اياسىنا سىيعىزىلادى.

يننوۆاسيا - جاڭا، جاڭاشىلدىق. ونەركاسىپكە، ەكونوميكاعا جاڭا زاماناۋي امالداردى ەنگىزۋ

يپوتەكا - تۇرعىن ۇيگە بەرىلەتىن نەسيە

ك

كونفەسسيا - ءدىن

كونسۋلتاسيا - كەڭەسۋ، كەڭەس بەرۋ

كونسەرۆاسيالاۋ - بانكتى كونسەرۆاسيالاۋ - قىزمەتى توقىراعان بانكتىڭ سالىمشىلارى الدىنداعى بارلىق مىندەتتەمەلەرى مەن قارىزدارىن وتەۋ جۇگىن ەكىنشى ءبىر بانككە وتكىزىپ بەرۋ امالدارىن جۇرگىزۋ. بۇل ءىستى جۇرگىزۋ ءۇشىن ۋاقىتشا باسقارۋ اكىمشىلىگى قۇرىلادى.

كونفەرەنسيا - ءماسليحات، جيىن.

كوممۋنالدىق شارۋاشىلىق مەكەمەلەرى - قالانىڭ الەۋمەتتىك -تۇرمىستىق شارۋاشىلىق مەكەمەلەرى

كوممۋنيكاسيالار - بايلانىس قۇرالدارى مەن امالدارى

كورپوراتيۆتىك- ۇجىمدىق

كارەر - اشىق ادىسپەن وندىرىلەتىن كەن ورنى (توپىراق، قۇم تاس كارەرى)

كاستينگ - بايقاۋ

كونستيتۋسيا - مەملەكەتتىڭ نەگىزگى زاڭى

ل

ليزينگ- نەسيەنىڭ ءبىر ءتۇرى

م

مودەرنيزاسيا - جاڭعىرتۋ

مەموراندۋم - ۋاعدالاستىق قۇجاتى

مەدياسيالىق سوت - ارا-اعايىندىق سوت

ميتينگى-جينالىس

ن

نومينال - باعالى قاعازدىڭ، اقشانىڭ بەتىندە كورسەتىلگەن، رەسمي بەكىتىلگەن قۇنى

و

ونوماستيكالىق كوميسسيا - جەر-ساۋ اتاۋلارىن جاڭعىرتۋ، وزگەرتۋ ىسىمەن اينالىساتىن كوميسسيا

وپپوزيسيا - مەملەكەت ىشىندەگى بيلىككە قارسى توپ

وپتيميزم جانە پەسسيميزم (لاتىنشا. optіmus - جارقىن، pessіmus - قارا تۇنەك) - بولاشاق تۋرالى ءبىر-بىرىنە قاراما-قارسى كوزقاراستار جۇيەسى. وپتيميزم بولاشاققا جارقىن سەنىممەن، تۇبىندە جاماندىقتى جاقسىلىق، ادىلەتسىزدىكتى ادىلەتتىك جەڭەدى دەگەن سەنىممەن قاراسا، پەسسيميزم، كەرىسىنشە، سارى ۋايىمشىلدىقپەن قارايدى.

پ

پوليسيا- قوعامدىق ءتارتىپ ساقشىسى

پريتون - زاڭعا قايشى ارەكەتتەردى جاسىرىن ىسكە اسىراتىن ورىندار، ۇيلەر. مىسالى، قاراقشىلاردىڭ ۇياسى.

پروبلەما - ماسەلە

ر

رەەستر - ءتىزىمى، ءتىزىلىمى

رەكتور - جوعارى وقۋ ورنىنىڭ باسشىسى

رەيدەرلىك - بىرەۋدىڭ مەنشىكتى كاسىبىن، كاسىپورنىن، زاۋىتىن، ت.ت. تارتىپ الۋدى بىلدىرەدى

رەزەرۆ - قور، قوسالقى قارجى-قاراجات

رەسەنزيا - پىكىر حات

س

س ءى م - قازاقستان رەسپۋبليكاسى سىرتقى ىستەر مينيسترلىگى

سامميت - جيىن، باس قوسۋ (ءبىر توپ مەملەكەت باسشىلارىنىڭ، ۇكىمەت باسشىلارىنىڭ القالى كەزدەسۋلەرى)

سۋبسيديالاۋ-كەيبىر سالالاردا كاسىپكەرلەردى نەمەسە شارۋاشىلىقتاردى قولداۋ ماقساتىندا ولار الاتىن تاۋاردىڭ نەمەسە كورسەتىلەتىن قىزمەت قۇنىنىڭ بەلگىلى ءبىر مولشەرىن مەملەكەت تاراپىنان قارجىلاندىرۋ

ت

ترەنينگ - وقىتۋ-ۇيرەتۋ دارىستەرى

ف

فارماسەۆتيكا سالاسى- ءدارى-دارمەك سالاسى

فيليال - بولىمشە

ح

حولدينگ - حولدينگ، ورتاق ساياساتپەن باسقارۋ قۇرىلىمىنا بىرىككەن بىرنەشە كومپانيالار توبىنىنىڭ ۇيىمدىق نىشانىن بىلدىرەدى.

(2009- جىل)