+7 (701) 759 90 19 Лента
14 °С : Нур-Султан
19 °С : الماتى
USD 383.43 EUR 432.47
RUB 6.12 CNY 55.78
جاڭالىقتار

ورالدا تۇڭعىش رەت «ونەر بارىس» تۋرنيرى ءوتتى

13 ماۋسىم 10:09 532
:ءبولىسۋ
ورالدا تۇڭعىش رەت «ونەر بارىس» تۋرنيرى ءوتتى

ورال. قازاقپارات - ورال قالاسىندا تۇڭعىش رەت قازاق كۇرەسىنەن «ونەر بارىسى» ءتۋرنيرى ءوتتى، دەپ حابارلايدى قازاقپارات ءتىلشىسى.

قادىر مىرزا ءالي اتىنداعى مادەنيەت جانە ونەر ورتالىعىنىڭ امفيتەاترىندا وتكەن دوداعا ونەر سالاسىندا جۇرگەن بارلىعى 41 پالۋان قاتىسىپ، باق سىنادى.

ب ق و قازاق كۇرەسى فەدەراتسياسى، ورال قالاسى دەنە شىنىقتىرۋ جانە سپورت ءبولىمى، قادىر مىرزا ءالي اتىنداعى مادەنيەت جانە ونەر ورتالىعى ۇيىمداستىرعان سايىستا پالۋاندار ەكى سالماق دارەجەسى بويىنشا كىلەمگە شىقتى.

70 كەلىگە دەيىنگى سالماقتا 18 ونەرلى جىگىت كۇش سىناسىپ، سىرىم اۋدانىنان كەلگەن باۋىرجان بيسقاليەۆ جەڭىمپاز اتاندى.

 تاعى ءبىر سىرىمدىق بەكبولات حايرۋللين ەكىنشى ورىنعا يە بولدى. بوكەيوردالىق اسحات قالەن ءۇشىنشى جۇلدەگە قوسا «ۇزدىك تەحنيكاسى ءۇشىن» اتالىمىن يەلەندى. بايتەرەكتىك ەستەمىس مۇقامبەتوۆ "جەڭىسكە دەگەن جىگەرى ءۇشىن"، سىرىمدىق مەيىربەك قاناتوۆ "جاس پالۋان" اتالىمىمەن اتاپ ءوتىلدى.

70 كەلىدەن جوعارىلار اراسىندا 23 ۇمىتكەردىڭ اراسىندا بورلىلىك باقىتجان تاۋەكەلدىڭ مەرەيى ۇستەم بولدى. اقجايىقتىق داۋلەت شامەلوۆ ەكىنشى، قازتالوۆتىق جىگەر ماۋسىموۆ ءۇشىنشى ورىنعا كوتەرىلدى.

بۇل جارىس ونەرلى جانداردىڭ قازاق كۇرەسىنە دەگەن قىزىعۋشىلىعى مەن ىنتا- ىقىلاسى مول ەكەندىگىن تانىتىپ، سونىمەن قاتار جۇرتشىلىقتىڭ دا دەلەبەسىن قوزدىرىپ، ءبىر سەرپىلتىپ تاستادى. ولار الداعى ۋاقىتتا دا ءتۋرنيردىڭ ءداستۇرلى تۇردە ءوتىپ تۇرۋىنا تىلەكتەستىگىن ءبىلدىردى.


باستى سوزدەر: ايماق, مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات