+7 (701) 759 90 19 Лента
29 °С : Нур-Султан
35 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

داريعا نازاربايەۆا بيە ءسۇتىنىڭ قاسيەتى تۋرالى ايتتى

27 مامىر 10:05 425
:ءبولىسۋ
داريعا نازاربايەۆا بيە ءسۇتىنىڭ قاسيەتى تۋرالى ايتتى

نۇر-سۇلتان. قازاقپارات - پارلامەنت سەناتىنىڭ ءتوراعاسى داريعا نازاربايەۆا الماتىداعى جۇمىس ساپارى اياسىندا قازاق تاماقتانۋ اكادەمياسى مەن «اميران» بالالار ءسۇت تاعامدارى زاۋىتىندا بولدى. بۇل تۋرالى سەناتتىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

سەنات سپيكەرى تاماقتانۋ اكادەمياسىندا بولعان كەزدە ەڭبەك ۇجىمىمەن كەزدەسىپ، تاماق ونىمدەرىنىڭ ساپاسى مەن قاۋىپسىزدىگىن باقىلاۋ زەرتحانالارىمەن، ءسۇت ونىمدەرىن ءوندىرۋ تەحنولوگياسىمەن تانىستى.

داريعا نۇرسۇلتان قىزى تاماقتانۋ اكادەمياسىنداعى حالىققا ارنالعان ەكولوگيالىق تازا ءونىم جاساۋ جانە ونىڭ الەۋمەتتىك باعدارى تۋرالى ايتا كەلىپ، وسىنداعى زەرتتەۋ جۇمىسىنىڭ ماڭىزدىلىعىن اتاپ ءوتتى.

«ەڭ الدىمەن ورگانيكالىق ونىمدەر كىشكەنتاي بالالارى بار وتباسىلارعا قولجەتىمدى بولۋى كەرەك. بىزدە بيە سۇتىنەن جاسالاتىن بالالار تاعامدارىنىڭ ءوز جەلىسى بار. ونىڭ قۇرامىندا قانت جوق. ونداي ءونىمدى ءوز ەلىندە تۇتىنۋ - بۇكىل الەم ديەتولوگتارىنىڭ ارمانى»، - دەدى د. نازاربايەۆا.


داريعا نازاربايەۆا بيە ءسۇتىنىڭ قاسيەتى تۋرالى ايتتى 

سەنات سپيكەرى بيە ءسۇتىنىڭ پايدالى جاقتارى تۋرالى ايتا كەلىپ، اكادەميا ونىمدەرىنىڭ ساپاسى جوعارى ەكەنىن اتاپ ءوتتى:

«ولار وتە جاڭا ءارى تازا ءونىم دايىندايدى. جارامدىلىق مەرزىمى ءبىر اي نە جىل ەمەس، 3-5 تاۋلىك ارالىعىندا بولۋى ونىمدە بالالار مەن ەرەسەك ادامنىڭ دەنساۋلىعىنا زيان كەلتىرەتىن جاساندى ەشتەڭە دە، حيميا جوق ەكەنىن كورسەتەدى»، - دەدى داريعا نازاربايەۆا.

ونىڭ ايتۋىنشا، قازاقستاندا بالالار تاعامدارىنىڭ ءوندىرىسىن ۇلعايتۋ قاجەت.

«مۇنداي زاۋىتتاردىڭ ءار وڭىردە بولعانى جانە تۇتىنۋشىعا جاقىن بولۋى وتە ماڭىزدى. وسىنداي ءونىم وندىرۋشىلەرگە كومەكتەسۋ كەرەك. بۇل ماسەلەگە باسا نازار اۋدارىلعانى ءجون»، - دەپ اتاپ ءوتتى.


داريعا نازاربايەۆا بيە ءسۇتىنىڭ قاسيەتى تۋرالى ايتتى 

قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ ءوز كەزەگىندە بالالار ءسۇت تاعامدارىن بيە ءسۇتىنىڭ نەگىزىندە ءوندىرۋ العاش رەت قولعا الىنىپ وتىرعانىن ايتتى.

«قازىر حالىققا انا ءسۇتىن الماستىراتىن اللەرگەنسىز ءونىم قاجەت. انا سۇتىنە ەڭ ۇقساس ءارى تولىققاندى ءونىم - بيە ءسۇتى. مىسالى، كىشكەنتايىنان سۇتكە ءزارۋ بالالارعا بيە ءسۇتىن الاڭسىز بەرىپ، ودان پايدا بولماسا زيان شەكپەيتىنىن ايتىپ كەلەمىز. بۇل - قۋاتتى ءونىم، سەبەبى ءسۇت كونسەرۆىلەيتىن زاتتار قوسىلماعان، قايتا قالپىنا كەلتىرىلمەگەن تابيعي دۇنيە. وندا دارۋمەندەر، ميكروەلەمەنتتەر، سىرتقى اقۋىز بار. وسىنىڭ ءبارى بالالاردىڭ جاقسى ءوسۋى مەن دامۋىنا ىقپال ەتەدى. بيە ءسۇتىنىڭ نەگىزىندە بالالار تاعامىن ءوندىرۋ - بۇل ءبىزدىڭ عىلىمي جەتىستىگىمىز»، - دەدى ت. شارمانوۆ.


داريعا نازاربايەۆا بيە ءسۇتىنىڭ قاسيەتى تۋرالى ايتتى 

اكادەميكتىڭ ايتۋىنشا، قازىر زاۋىت بيە ءسۇتى نەگىزىندە ەرەكشە شوكولاد شىعارا باستادى. قانتسىز، اشىتقىسىز ءارى اللەرگيا بولدىرمايدى.

ەلىمىزدىڭ تۇڭعىش پرەزيدەنتى، ەلباسى ن. نازاربايەۆ 2010 -جىلعى جەلتوقسان ايىندا قازاق تاماقتانۋ اكادەمياسىنىڭ ەمدىك- پروفيلاكتيكالىق ءسۇت تاعامدارىن شىعارۋ جونىندەگى «اميران» زاۋىتىن ىسكە قوسقان بولاتىن. اكادەميا وتكەن كەزەڭدە زاۋىتتا جوعارى ساپالى تابيعي ءونىمنىڭ ونداعان ءتۇرىن جاساپ شىعاردى.

بۇگىنگى تاڭدا كاسىپورىن قازاقستاندا جوعارى ساپالى تابيعي سۇتتەن جاسالعان بالالار ءسۇت تاعامدارىن شىعاراتىن العاشقى جانە جالعىز كاسىپورىن بولىپ وتىر. ستاتيستيكالىق دەرەكتەر بويىنشا، وتكەن جىلى بالالار تاعامدارى تەك ە ا ە و ەلدەرىنەن 43 ميلليون ا ق ش دوللارىنان استام سوماعا يمپورتتالىپ، 20103,6 توننانى قۇراعان بولاتىن.


داريعا نازاربايەۆا بيە ءسۇتىنىڭ قاسيەتى تۋرالى ايتتى 


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات