+7 (701) 759 90 19 Лента
20 °С : Нур-Султан
22 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

تۇرمىستىق قالدىقتاردى شىعاراتىن كومپانيالار قىزمەتىن باقىلاۋ كۇشەيتىلمەك

20 مامىر 22:32 279
:ءبولىسۋ
تۇرمىستىق قالدىقتاردى شىعاراتىن كومپانيالار قىزمەتىن باقىلاۋ كۇشەيتىلمەك

نۇر-سۇلتان. قازاقپارات - كوممۋنالدىق قالدىقتاردى شىعارۋمەن اينالىساتىن كومپانيالار قىزمەتىن باقىلاۋعا الۋ كەرەك.

بۇل تۋرالى بۇگىن ق ر ەنەرگەتيكا مينيسترلىگى ەكولوگيالىق رەتتەۋ جانە باقىلاۋ كوميتەتى ءتوراعاسىنىڭ ورىنباسارى زۇلفىھار جولداسوۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا قالدىقتاردى شىعارۋمەن اينالىساتىن كاسىپورىنداردىڭ قىزمەتى ليتسەنزيالانبايدى. سوندىقتان قالدىقتاردى جويۋ، تاسىمالداۋ جانە قايتا وڭدەۋگە جۇمىلدىرىلعان كاسىپورىنداردى رەتتەۋدىڭ بەلگىلى ءبىر تەتىكتەرىن ۇسىنامىز»، - دەدى كوميتەت ءتوراعاسىنىڭ ورىنباسارى ەلوردادا وتكەن «ەكولوگيالىق زاڭنامانى رەفورمالاۋ - قازىرگى احۋالى مەن بولاشاعى» تاقىرىبىنداعى پىكىرتالاس الاڭىندا.

وسى ورايدا مينيسترلىك وكىلى اتالعان كومپانيالاردىڭ كەيبىرى قالدىقتار مەن قوقىستاردى بەلگىسىز باعىتقا تاسىمالدايتىندىعى بەلگىلى ەكەندىگىن ايتتى.

«قازىرگى ۋاقىتتا ۇلكەن كومپانيالاردىڭ ءوز قالدىقتارىن بەلگىسىز كومپانيالارعا بەرەتىندىگى، بۇل رەتتە ولارعا ەشقانداي جاۋاپكەرشىلىك جۇكتەلمەيتىندىگىنە قاتىستى كوپتەگەن فاكتىلەر بار. سودان كەيىن ول كومپانيالاردى قالدىقتى قايتا وڭدەۋگە نە رۇقساتى، نە مۇمكىنشىلىگى جوق ەكەنىن انىقتاپ جاتامىز. بۇل تىزبەكتى قاداعالاپ وتىرۋ وتە كۇردەلى. مۇنداي جايت قازىرگى ۋاقىتتا كوممۋنالدىق قالدىقتارعا دا بايلانىستى. قالدىقتاردى ورتالىق پوليگوننان بولەك بەلگىسىز باعىتقا تاسيتىن جۇزدەگەن كاسىپورىندار بار. ءبىز بۇل باعىتتا باقىلاۋدى، جاۋاپكەرشىلىكتى كۇشەيتۋ قاجەت دەپ سانايمىز»، - دەدى ز. جولداسوۆ.

ايتا كەتەيىك، «قازاقستاننىڭ ەكولوگيالىق ۇيىمدارى قاۋىمداستىعى» ز ت ب ۇيىمداستىرعان شارادا ەلىمىزدىڭ جاڭا ەكولوگيالىق كودەكسىنىڭ جوباسى تالقىلاندى.

 


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات