Apple مەن Google ۆيرۋس جۇقتىرعان پاتسيەنتتەردى باقىلايتىن قوسىمشانى ىسكە قوستى
ول COVID-19 جۇقتىرعان ادامنىڭ ورنىن حابارلايدى. بۇل تۋرالى قازاقپارات Technology Review-گە سىلتەمە جاساپ حابارلايدى.
بۇل قوسىمشا الەمنىڭ دەنساۋلىق ساقتاۋ ورگاندارىنا كوروناۆيرۋستىڭ تارالۋىن قاداعالاۋعا مۇمكىندىك بەرەدى. الەمنىڭ ءتۇرلى ەلدەرىنىڭ ۇكىمەتى ەندى بۇل تەحنولوگيانى اۋرۋ جۇقتىرعان ناۋقاستاردى جانە ولارمەن بايلانىستا بولۋى مۇمكىن ادامداردى باقىلاۋ ءۇشىن قولدانا الادى.
جيىرمادان استام ەل ناۋقاسپەن بايلانىستا بولعان ادامداردى باقىلاۋعا ارنالعان ءوز قوسىمشاسىن شىعاردى، ءبىراق Apple جانە Google كومپانيالارىنىڭ بىرلەسىپ جاساعان قوسىمشاسى پاندەميامەن كۇرەس پروتسەسىن ەداۋىر جەدەلدەتەدى دەپ كۇتىلۋدە.
بۇل عالامدىق الپاۋىتتاردىڭ سەرىكتەستىگى اۋرۋدى جۇقتىرۋى مۇمكىن تاسىمالداۋشىلاردى تابۋ بويىنشا اقپارات الماسۋعا مۇمكىندىك بەرەدى. Apple جانە Google بەس قۇرلىقتاعى 22 مەملەكەت، سونىمەن قاتار ا ق ش بىرنەشە شتاتى API گە قول جەتكىزگەنىن مالىمدەدى.
Apple جانە Google كومپانيالارىنىڭ حابارلاۋىنشا، كوروناۆيرۋسى بار ناۋقاستاردى باقىلاۋ تەحنولوگياسى پاندەميانى جەڭگەن ەلدەردە بىرتىندەپ وشىرىلەدى. مۇنداي تەحنولوگيا پاندەميا اۋقىمىن جەڭۋگە كومەكتەسەدى. سونداي-اق جاھاندىق ەكونوميكانى قالپىنا كەلتىرۋ پروتسەسىنىڭ ءبىر بولىگى بولا الادى.