+7 (701) 759 90 19
-11 °С : نۇر-سۇلتان
-3 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

حالىقارالىق «قازاقپارات» اگەنتتىگى مەن يتاليالىق ANSA ىنتىماقتاستىق تۋرالى مەموراندۋمعا قول قويدى

23 قاڭتار 12:45
:ءبولىسۋ
حالىقارالىق «قازاقپارات» اگەنتتىگى مەن يتاليالىق ANSA ىنتىماقتاستىق تۋرالى مەموراندۋمعا قول قويدى

نۇر- سۇلتان. قازاقپارات - «قازاقپارات» ح ا ا مەن يتاليالىق Agenzia Nazionale Stampa Associata (ANSA) اقپارات اگەنتتىگى ءوزارا ىنتىماقتاستىق تۋرالى مەموراندۋمعا قول قويدى، دەپ حابارلايدى قازاقپارات ءتىلشىسى.

مەموراندۋمعا «قازاقپارات» ح ا ا» ا ق باس ديرەكتورى اسقار ۋماروۆ پەن يتاليالىق Agenzia Nazionale Stampa Associata (ANSA) اقپارات اگەنتتىگىنىڭ باس ديرەكتورى ستەفانو دە الەسساندري قول قويدى.


ىنتىماقتاستىق تۋرالى مەموراندۋم اياسىندا ANSA اگەنتتىگى ءوز سايتىندا يتاليان تىلىندەگى «قازاقستان جاڭالىقتارى» ايدارىن اشادى. ءوز كەزەگىندە «قازاقپارات» ح ا ا سايتىنىڭ اعىلشىن تىلىندەگى نۇسقاسىندا يتاليا رەسپۋبليكاسىنىڭ ساياسات، ەكونوميكا، مادەنيەت سالالارىنداعى جاڭالىقتارى جاريالانباق.


«بۇگىن ءبىز ماڭىزدى مەموراندۋمعا قول قويىپ وتىرمىز. بۇل مەموراندۋم بويىنشا يتاليالىق ANSA اگەنتتىگىمەن ىنتىماقتاستىقتى باستايمىز. قۇجات بويىنشا ANSA اگەنتتىگىندە بولەك اعىلشىن جانە يتاليان تىلىندە بولەك ايدار اشىلادى. ال «قازاقپارات» اگەنتتىگىنىڭ اعىلشىن ءتىلدى نۇسقاسىندا يتاليا جاڭالىقتارى شىعادى. بۇگىنگى كەلىسىمدى ەكى ەلدىڭ اقپاراتتىق تۇرعىدا جاقىنداي ءتۇسۋ پروتسەسىنىڭ ۇلكەن قادامى دەپ ەسەپتەيمىز. ءبىزدىڭ يتاليالىق ارىپتەستەرىمىز قازاقستاننىڭ ەكونوميكاسى مەن تۋريزم سالاسىنا قاتتى قىزىعۋشىلىق ءبىلدىرىپ وتىر. ستەفانو مىرزاعا كوپ العىسىمىزدى بىلدىرەمىز. سەبەبى، بۇل قۇجات ەۋروپالىق اگەنتتىكتەرمەن جاسالعان العاشقى مەموراندۋم» ، - دەدى اسقار ۋماروۆ.


اسقار ۋماروۆ وسى ۋاقىتقا دەيىن «قازاقپارات» حالىقارالىق اقپارات اگەنتتىگى وسىنداي كەلىسىمدى الەمنىڭ 42 حالىقارالىق اگەنتتىگىمەن جاساعانىن اتاپ ءوتتى. ANSA - «قازاقپاراتپەن» ىنتىماقتاسا جۇمىس جۇرگىزەتىن 43- اگەنتتىك بولىپ وتىر.

ءوز كەزەگىندە ANSA اقپارات اگەنتتىگىنىڭ باس ديرەكتورى ستەفانو دە الەسساندري اتالمىش مەموراندۋمنىڭ ماڭىزىن اتاپ ءوتتى.


«بيىل ANSA ءۇشىن بۇل - ىنتىماقتاستىق تۋرالى بەسىنشى مەموراندۋم. وسى ۋاقىتقا دەيىن فرانس پرەسس، تاسس، شينحۋا قاتارلى ۇلكەن اقپارات اگەنتتىكتەرىمەن سەرىكتەستىگىمىزدى باستادىق. سونىڭ ىشىندە «قازاقپارات» حالىقارالىق اقپارات اگەنتتىگىنىڭ ءبىزدىڭ سەرىكتەسىمىز بولعانىنا قۋانىشتىمىز. ANSA- يتالياداعى ەڭ ءىرى اگەنتتىك. وسى مەموراندۋم اياسىندا يتاليا رەسپۋبليكاسى مەن قازاقستان رەسپۋبليكاسىنىڭ اراسىنداعى ىنتىماقتاستىق ودان ارى نىعايا تۇسەر دەگەن ۇلكەن سەنىمىمىز بار» ، - دەدى ستەفانو دە الەسساندري.

ايتا كەتسەك، ANSA - ۇلتتىق جانە حالىقارالىق ءىس- شارالار تۋرالى اقپارات تاراتاتىن يتاليانىڭ جەتەكشى اقپارات اگەنتتىگى. اقپارات اگەنتتىگىنىڭ مەملەكەتى اۋماعىندا 22 جەكە كەڭسەسى بار، ول الەمنىڭ 74 مەملەكەتىندەگى 80 نەن استام قالادا ءوز قىزمەتىن جۇزەگە اسىرىپ جاتىر. ANSA كۇن سايىن 3 مىڭنان استام جاڭالىق ماتەريالىن، سونداي- اق 700 دەن استام سۋرەتتەر مەن ۆيدەوروليكتەر جاريالايدى.

اگەنتتىك يتاليان تىلىنەن باسقا اعىلشىن، يسپان، نەمىس، پورتۋگال جانە اراب تىلدەرىندە حابار تاراتادى.

قازاقپارات - قازاقستانداعى العاشقى حالىقارالىق مارتەبە العان مەملەكەتتىك اقپارات اگەنتتىگى. 2020 -جىلى اقپارات اگەنتتىگىنىڭ قۇرىلعانىنا 100 جىل تولادى.

قازاقپارات وتاندىق اقپارات اگەنتتىكتەرى اراسىندا بالاماسى جوق تىلشىلەر قوسىنىنا يە. ەلىمىزدىڭ بارلىق وڭىرلەرىندەگى 15 مەنشىكتى ءتىلشى مەن رەسەي، قىتاي، تۇركيا، ەۋروپا، ازەربايجان، وزبەكستان، قىرعىزستان، يوردانياداعى وكىلدىكتەر اگەنتتىككە ەلدە جانە شەتەلدە بولىپ جاتقان وقيعالاردى وبەكتيۆتى تۇردە جانە تۇتاس بەينەسىن بەرۋگە مۇمكىندىك بەرەدى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات