«توميريس» فيلمى Amazon Prime ستريمينگ پلاتفورماسىندا كورسەتىلە باستادى

None
None
نۇر- سۇلتان. قازاقپارات - «توميريس» كوركەم فيلمى Amazon Prime ستريمينگ پلاتفورماسىندا كورسەتىلە باستادى، دەپ حابارلايدى قازاقپارات.

بۇل جايىندا شاكەن ايمانوۆ اتىنداعى «قازاقفيلم» كينوستۋدياسى مالىمەت تاراتتى.

«كينوستۋديا جارىققا شىعارعان «توميريس» فيلمى ەڭ ءىرى ستريمينگ پلاتفورمالاردىڭ بىرىنە شىقتى. رەجيسسەر اقان ساتايەۆ تۇسىرگەن تاريحي كينوتۋىندى كانادالىق جانە امەريكاندىق كورەرمەندەر ءۇشىن Amazon Prime حالىقارالىق بەينە پلاتفورماسىنىڭ قورىن كوبەيتتى» دەپ جازدى مەكەمە Instagram پاراقشاسىندا.

ايتا كەتۋ كەرەك، بۇگىنگى كۇنگە دەيىن «توميريس» فيلمى 10 نان استام تىلگە اۋدارىلىپ، دۋبلياجدالدى.

ەسكە سالا كەتەيىك، ءبىز بۇعان دەيىن «توميريس» كينوتۋىندىسى پاريجدە وتكەن L’ەtrange Festival كينوفەستيۆالىنىڭ تولىق مەتراجدى فيلمدەر سەكسياسىندا Nouveau Genre گران- ءپريىن جەڭىپ العانىن جازعان بولاتىنبىز.



سوڭعى جاڭالىقتار