12:41, 01 - تامىز 2021 | GMT +6
«Amazon» ينتەرنەت دۇكەنىنە 746 ميلليون ەۋرو ايىپپۇل سالىندى
نۇر- سۇلتان. قازاقپارات - «Amazon» - عا 746 ميلليون ەۋرو ايىپپۇل سالىندى. ەۋروپالىق قۇپيالىلىقتى باقىلاۋ قىزمەتى الپاۋىت ينتەرنەت دۇكەندە جەكە دەرەكتەردى وڭدەۋ ە و- نىڭ دەرەكتەردى قورعاۋدىڭ جالپى ەرەجەلەرىنە سايكەس كەلمەيتىنىن انىقتادى، دەپ حابارلادى قازاقپارات Euronews-كە سىلتەمە جاساپ.
ايىپپۇلدى ەكى اپتا بۇرىن «Amazon» - نىڭ ەۋروپالىق شتاب- پاتەرى ورنالاسقان ليۋكسەمبۋرگ ۇلتتىق دەرەكتەردى قورعاۋ كوميسسياسى سالعان. كومپانيا ايىپتاۋدى جوققا شىعارادى جانە شاعىمداناتىنىن مالىمدەدى. ايتا كەتەيىك، ەۋروپاداعى دەرەكتەردى قورعاۋدى قاداعالاۋ ورگاندارى كومپانياعا ولاردىڭ جىلدىق جاھاندىق ساتىلىمىنىڭ %4 ىنا دەيىن ايىپپۇل سالۋعا قۇقىلى.
ەسكە سالا كەتەيىك، وتكەن جىلدىڭ جەلتوقسان ايىندا فرانتسۋز ينفورماتيكا جانە ازاماتتىق بوستاندىقتار كوميسسياسى «Amazon» - عا پايدالانۋشىلاردىڭ جەكە اقپاراتى قامتىلعان cookie فايلدارىن ولاردىڭ كەلىسىمىنسىز پايدالانعانى ءۇشىن ايىپپۇل سالعان ەدى. كومپانياعا 35 ميلليون ەۋرو ايىپپۇل سالىنعان بولاتىن.