ق ر پرەزيدەنتى Alibaba كومپانياسىنىڭ نەگىزىن قالاۋشى جەك مامەن كەزدەستى
ودان كەيىن مەملەكەت باسشىسى Alibaba كومپانياسىنىڭ نەگىزىن قالاۋشى جەك مامەن كەزدەستى. ەكەۋارا سالەمدەسۋدەن كەيىن قاسىم- جومارت توقايەۆ قىتاي حالىق رەسپۋبليكاسى قۇرىلۋىنىڭ 70 جىلدىق، Alibaba كومپانياسىنىڭ 20 جىلدىق مەرەيتويلارمەن قۇتتىقتادى.
ءوز كەزەگىندە جەك ما ق ر پرەزيدەنتى قاسىم- جومارت توقايەۆقا قۇتتىقتاۋى ءۇشىن ريزاشىلىعىن ءبىلدىردى.
«قازاقستاندا 5 رەت بولدىم. قازاقستاننىڭ مادەنيەتى مەن حالقىن جاقسى كورەمىن. ول جاقتا مەنىڭ دوستارىم كوپ. بوس ۋاقىتىمدى سىزدەردىڭ استانالارىڭىزدا وتكىزگەن ۇنايدى» ، - دەپ اتاپ ءوتتى ول.
Alibaba Group - ينتەرنەت- كوممەرتسيا سالاسىندا جۇمىس ىستەيتىن جاھاندىق كومپانيا. شتاب- پاتەرى حاڭجوۋ قالاسىندا ورنالاسقان. قىزمەتىنىڭ نەگىزگى ءتۇرى - B2B سىزباسى بويىنشا كومپانيالار اراسىنداعى ساۋدا وپەراتسيالارى جانە بولشەك ونلاين- ساۋدا. Alibaba.com ينتەرنەت- سايتى بار. 2019 -جىلدىڭ باسىندا كومپانيانى كاپيتالداندىرۋ 18 پايىزعا ارتىپ، 421,9 ميلليارد دوللارعا دەيىن جەتتى. 2019 -جىلدىڭ 10 - قىركۇيەگىندە 55 جاسقا تولعان جەك ما سول كۇنى الەمدەگى ەڭ ءىرى كومپانيانىڭ باسشىسى قىزمەتىنەن كەتتى.
ەستەرىڭىزگە سالا كەتسەك، قازاقستان پرەزيدەنتى قاسىم- جومارت توقايەۆ قىتاي حالىق رەسپۋبليكاسىندا 2 كۇندىك مەملەكەتتىك ساپارمەن ءجۇر.
سونداي- اق، مەملەكەت باسشىسى حاڭجوۋعا ساپارى اياسىندا يننوۆاتسيالىق ونىمدەردى الەمدىك نارىققا شىعارۋ بويىنشا كوشباسشى «Hikvision» كومپانياسىنىڭ جۇمىسىمەن تانىستى. كومپانيانىڭ باسقارما ءتوراعاسى چان زۇڭ نيان مەملەكەت باسشىسىنا كورپوراتسيانىڭ قۇرىلۋ تاريحى، يننوۆاتسيالىق ونىمدەر سالاسىنداعى نەگىزگى جەتىستىكتەرى تۋرالى اڭگىمەلەدى. چان زۇڭ نيان 2001 -جىلى نەگىزى قالانعان كومپانيانىڭ شاعىن ۇيىمنان جاھاندىق كورپوراتسياعا دەيىنگى جولىن باياندادى. بۇگىنگى تاڭدا Hikvision حالىقارالىق جەلىسىنىڭ باس كەڭسەسى حاڭجوۋدا، ال ەۋروپا، ازيا جانە امەريكا ەلدەرىندە 46 ساۋدا وكىلدىگى بار. كومپانيانىڭ ونىمدەرى 150 دەن استام ەلدە سۇرانىسقا يە. 2018 -جىلى كومپانيا ساتىلىمدارىنىڭ كورسەتكىشى %19 ءوسىپ، 7,3 ميلليارد دوللارعا جەتتى. جىلدىق تابىستىڭ %7-8- ىن جاڭا ازىرلەمەلەرگە جۇمسايدى.
سونىمەن قاتار، ق ر پرەزيدەنتى ساپار اياسىندا قىتايدىڭ ۇلتتىق ءشاي مۇراجايى مەن لەيفەن پاگوداسىن ارالايدى دەپ جوسپارلانعان.