ما يۇن Alibaba Group باسشىلىعىنان كەتتى

نۇر- سۇلتان. قازاقپارات - بۇگىن قىتايداعى ەڭ باي ادام دجەك ما Alibaba Group ديرەكتورلار كەڭەسىنىڭ ءتوراعاسى قىزمەتىنەن كەتەدى.

قىتايلىق ب ا ق- تىڭ حابارلاۋىنشا، مۇنى ول ءبىر جىل بۇرىن جاريالاعان. ديرەكتورلار كەڭەسىنىڭ ءتوراعاسى لاۋازىمى قازىرگى باس ديرەكتور دانيەل جانعا بەرىلەدى.

قىزمەتىنەن كەتكەن سوڭ دجەك ما Alibaba Group ءتىڭ ديرەكتورلار كەڭەسىنىڭ مۇشەسى بولىپ، 2020 -جىلعى Alibaba جىلدىق جالپى جينالىسىنا دەيىن جۇمىسىن جالعاستىرادى. وسىدان كەيىن ول «Alibaba تۇراقتى سەرىكتەسى» قىزمەتىن جالعاستىرادى.

جوسپار بويىنشا، بۇگىن كەشكە حاڭجوۋدا Alibaba قۇرىلۋىنىڭ 20 جىلدىعى وتەدى. سول كەزدە ديرەكتورلار كەڭەسىنىڭ ءتوراعاسى جەك ما قىزمەتىن دانيەل جانعا رەسمي تۇردە تاپسىرادى.

قازىرگى ۋاقىتتا Alibaba Group جەك مانىڭ وتستاۆكاعا كەتۋى تۋرالى رەسمي اقپارات جاريالامادى.

 جەك ما نەمەسە ما يۇن - قىتاي كاسىپكەرى جانە فيلانتروپ. ول Alibaba Group جوعارى تابىستى ينتەرنەت بيزنەس توبىنىڭ نەگىزىن قالاۋشى جانە اتقارۋشى ءتوراعاسى، Forbes مۇقاباسىنا جاريالانعان العاشقى قىتايلىق كاسىپكەر.

اۆتور: مۇحتار مۇرات