Alibaba-عا «التىن جەتكىزۋشى» رەتىندە قازاقستاندىق 100 كومپانيا تىركەلەدى

None
None
نۇر- سۇلتان. قازاقپارات - Alibaba حالىقارالىق پلاتفورماسىنا «التىن جەتكىزۋشى» رەتىندە قازاقستاندىق 100 كومپانيا تىركەلەدى. بۇل تۋرالى بۇگىن ۇكىمەت وتىرىسىندا ق ر ساۋدا جانە ينتەگراتسيا ءمينيسترى باقىت سۇلتانوۆ ايتتى، دەپ حابارلايدى قازاقپارات ءتىلشىسى.

«اتامەكەن» ۇلتتىق كاسىپكەرلەر پالاتاسىمەن بىرلەسىپ «ينتەرنەت- ەكسپورتتاۋشى مەكتەبى» باعدارلاماسى ىسكە قوسىلدى. ەلەكتروندىق ساۋدا الاڭدارىندا بيزنەستى جۇرگىزۋدىڭ پراكتيكالىق ادىسىنە 200 قاتىسۋشى وقىتىلدى. باستاۋشى جانە تاجىريبەلى كاسىپكەرلەرگە ينتەرنەت- پلاتفورمالاردا ىلگەرىلەتۋ بويىنشا تىكەلەي قولداۋ كورسەتىلدى. ماسەلەن، Alibaba حالىقارالىق پلاتفورماسىنا «التىن جەتكىزۋشى» رەتىندە تىركەۋ ءۇشىن 50 كومپانيا ىرىكتەلدى. بۇل پرەميالدى مارتەبەسى جاھاندىق اۋديتورياعا قولجەتىمدىلىكتى، ماركەتينگ ىشىندە كەشەندى ىلگەرىلەتۋ مۇمكىندىگىن قامتاماسىز ەتەدى. جىلدىڭ اياعىنا دەيىن ءبىز تاعى 50 كومپانياعا وسىنداي جاردەم كورسەتۋدى جوسپارلاپ وتىرمىز»، - دەدى مينيستر.

ونىڭ ايتۋىنشا، Alibaba حالىقارالىق پلاتفورماسىنا العاشقى ىرىكتەۋگە ىلىككەن قازاقستاندىق 50 بيزنەستىڭ 22 ءسى تىركەلىپ ۇلگەرگەن. ولار بيىلعى جىلى قازاقستاندىق ءونىمدى جالپى 28 ميلليون دوللار سوماعا ساتۋدى، قوسىمشا 83 جۇمىس ورنىن قۇرۋدى جوسپارلاپ وتىر.

«جالپى، 2019 -جىلى ەلەكتروندىق ساۋدا ارقىلى قازاقستاندىق تاۋارلاردىڭ ەكسپورتى قارقىندى ءوسىپ، 5 ملن دوللاردى قۇرادى. بۇل جەتىستىكتەردى ءارى قاراي ارتتىرۋ ءۇشىن ەكسپورتتاۋشىلاردىڭ شىعىندارىن وتەۋ ەرەجەسىنىڭ 2-پاكەتى اياسىندا ەلەكتروندىق ساۋدا الاڭدارىندا تىركەۋگە بايلانىستى راسىمدەردى جۇرگىزۋگە جۇمسالعان شىعىنداردىڭ 60 پايىزعا دەيىن تولەم تۇرىندە قولداۋ ۇسىنىلدى»، - دەدى ول.

باقىت سۇلتانوۆ قازاقستانعا حالىقارالىق پلاتفورمالار تارتۋ جونىندە شارالار قابىلدانعانىن اتاپ ءوتتى. وتكەن جىلى مينيسترلىك «Wildberries» حالىقارالىق كومپانياسىمەن ينۆەستيتسيالىق جوبانى جۇزەگە اسىرۋ تۋرالى مەموراندۋمعا قول قويعانىن ەسكە سالدى.

«ونىڭ نەگىزگى ماقساتى - اتالعان پلاتفورما ارقىلى قازاقستاندىق تاۋارلاردىڭ ەكسپورتىن ارتتىرۋعا مۇمكىندىك بەرەتىن ينفراقۇرىلىمدى قۇرۋ جانە دامىتۋ. Wildberries كومپانياسى استانا حالىقارالىق قارجى ورتالىعىنىڭ قاتىسۋشىسى بولىپ تىركەلدى. بۇل ينۆەستور رەتىندە ءوزىنىڭ قۇقىقتارى مەن مۇددەلەرىن قورعاۋعا تولىق مۇمكىندىكتەردى بەرەدى. بۇگىنگى تاڭدا 21 قازاقستاندىق كومپانيا رەسەي، بەلارۋس، قىرعىزستان جانە ارمەنيا سياقتى باعىتتار بويىنشا وسى پلاتفورماداعى تاۋاردىڭ 594 ءتۇرىن ساتادى. الداعى ۋاقىتتا ساتۋ گەوگرافياسى ەۋروپالىق وداق ەلدەرىنە كەڭەيتىلەدى»، - دەدى مينيستر.

اۆتور مارلان جيەمباي


سوڭعى جاڭالىقتار