+7 (701) 759 90 19
29 °С : نۇر-سۇلتان
30 °С : الماتى
USD 411.66 EUR 465.92
RUB 5.81 CNY 58.79
جاڭالىقتار

مەملەكەت باسشىسى «ەير استانا» اۋە كومپانياسىنىڭ پرەزيدەنتىن قابىلدادى

24 اقپان 18:18
:ءبولىسۋ
مەملەكەت باسشىسى «ەير استانا» اۋە كومپانياسىنىڭ پرەزيدەنتىن قابىلدادى

نۇر- سۇلتان. قازاقپارات - مەملەكەت باسشىسى «Air Astana» اۋە كومپانياسىنىڭ پرەزيدەنتى پيتەر فوستەردى قابىلدادى، دەپ حابارلايدى اقوردا.

كەزدەسۋ بارىسىندا پيتەر فوستەر قاسىم- جومارت توقايەۆقا ۇلتتىق اۋە كومپانياسىنىڭ قازىرگى جاعدايى مەن ونى دامىتۋدىڭ جوسپارى، اتاپ ايتقاندا، جولاۋشىلار تاسىمالىنىڭ ىشكى كولەمىن ارتتىرۋ جانە جاڭادان اشىلعان شەتەلدىك باعىتتار، اۋە بيلەتتەرىنىڭ باعاسىن ارزانداتۋ شارالارى جايىندا باياندادى.

پيتەر فوستەردىڭ ايتۋىنشا، «Fly Arystan» ەنشىلەس اۋە كومپانياسىن اشقاننان بەرى قازاقستان الەمدەگى اۋە تاسىمالى بويىنشا ىشكى نارىعى جىلدام دامىپ كەلە جاتقان ەلدەردىڭ قاتارىنا قوسىلعان.

سونىمەن قاتار ول قازاقستان پرەزيدەنتىنە كومپانيانىڭ اۋە پاركىنىڭ جاڭالانعانى، ونىڭ ىشىندە، «Boeing-757» ۇشاقتارىنىڭ ۇزاق جولعا ارنالعان «Airbus ا321» اۋە كەمەسىنە الماستىرىلىپ جاتقانى تۋرالى ايتتى. بۇدان بولەك 2023 -جىلعا دەيىن «Boeing-787» ۇشاقتارىن ساتىپ الۋ جونىندەگى جوسپارىمەن ءبولىستى.

مەملەكەت باسشىسى «اشىق اسپان» رەجيمىن ودان ءارى دامىتۋدىڭ جانە جاڭا شەت ەلدىك باعىتتاردى اشۋ، ونىڭ ىشىندە، سينگاپۋر، نيۋ- يورك سەكىلدى الەمنىڭ باسقا دا ءىرى قالالارىمەن قاتىناس ورناتۋدىڭ ماڭىزدىلىعىن اتاپ ءوتتى.

قاسىم- جومارت توقايەۆ ەل ازاماتتارى ءۇشىن اۋە بيلەتتەرىن ارزانداتۋ باعىتىندا جۇرگىزىلىپ جاتقان جۇمىستارعا باسا ءمان بەردى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات