قازاقستاندىق تانىمال ءانشى «AIR ASTANA» سەرۆيسىنە سىن ايتتى

نۇر-سۇلتان. قازاقپارات - ايقىن تولەپبەرگەن الەۋمەتتىك جەلىدەگى پاراقشاسىندا «Air Astana»  كومپانياسىنىڭ سەرۆيسىنە قاتىستى سىن جازعان.

ءانشىنىڭ كومپانيا قىزمەتىنە كوڭىلى تولماعانعا ۇقسايدى. ايتۋىنشا، «بيزنەس-كلاسستىڭ» «ەكونوم» كلاستان ايىرماسى جوق ەكەن.

«Air Astana ماعان تاعى اشۋلاناتىن شىعار! ءبىراق مەن ۇندەمەي قويا المايمىن. اتىم ايقىن عوي... ادامدارعا بيزنەس-كلاسس دەپ بيلەت ساتىپ، ەكونوم كلاستىڭ كرەسلولارىن قويۋ زاڭسىز دەپ سانايمىن. ورىندىقتارىنىڭ ەش ايىرماسى جوق، ءبىراق بيزنەس كلاستىڭ بيلەتى 92400 ت گ، ەكونوم كلاسس 29000 ت گ. تەك تاماقتارى عانا ءارتۇرلى. سوندا ءبىز تاماق ءۇشىن 63000 ت گ تولەيمىز بە؟» - دەپ جازعان ءانشى.

ال اۋە كومپانياسىنىڭ رەسمي اككاۋنتى ءوز كەزەگىندە ءانشىنىڭ جازباسىنىڭ استىندا جاۋاپ جازعان. اۋە كومپانياسى قولايسىزدىقتار ءۇشىن كەشىرىم سۇراپ، ءارتىستىڭ شاعىمىن باسشىلىققا جەتكىزەتىنىن ايتقان.

دەرەككوز: Reactor