Abai175: جەكي چان اباي ولەڭىن جاتقا وقىپ، فلەشموبقا ءۇن قوستى
«مەن قازاقستان پرەزيدەنتى باستاعان پوەتيكالىق چەللەندجدى دوسىم ەرلان قاريننەن قابىل الدىم»، - دەيدى جەكي چان.
ول ابايدىڭ «جەلسىز تۇندە جارىق اي» اتتى ولەڭىن مانەرلەپ وقىپ بەردى.
ەرلان قارين مەن جەكي چان بيىل ءساۋىر ايىندا كەزدەسكەن بولاتىن. ول كەزدە اكتەر سيرياداعى قازاقستاندىقتاردى قۇتقارۋ تۋرالى دەرەكتى فيلمدى تاماشالاعان بولاتىن.
ايتا كەتەيىك، بۇعان دەيىن ق ر پرەزيدەنتى قاسىم-جومارت توقايەۆ 9 جاسار مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.
وسىلايشا، پوەزيا ەستافەتاسىن يگور كرۋتوي، ق ر اقپارات جانە قوعامدىق دامۋ ءمينيسترى داۋرەن ابايەۆ، قازاقستاننىڭ رەسەيدەگى ەلشىسى يمانعالي تاسماعامبەتوۆ، رەسەيدىڭ شوۋ-بيزنەس وكىلدەرى، اقتوبەنىڭ اكىمى وڭداسىن ورازالين، قازاقستاننىڭ حالىق ءارتىسى، پروفەسسور تالعات تەمەنوۆ جالعاستىرىپ اكەتتى.
ۇلى بابانى ۇلىقتاۋ باستاماسىنا ازەربايجان، تۇركيا، يراك، تاتارستاننان نيەتتەس اعايىننىڭ اتسالىسقانى قۋانتادى. جىر ەستافەتاسىنىڭ گەوگرافياسىنىڭ كەڭىپ، ەۋرازيا كەڭىستىگىندە كەڭ تاراۋىنا ازەربايجاندىق تانىمال جۋرناليست ايدا ەيۆازوۆا، تۇركيالىق Yakup ضmeroğlu ۇلەس قوسقانىن ەرەكشە اتاپ ءوتۋ كەرەك. Alibaba Group ينتەرنەت-كورپوراتسياسىنىڭ نەگىزىن قالاۋشى، ميللياردەر دجەك ما دا اقىن ولەڭىن وقىپ، فلەشموبقا ۇلەس قوستى.
بۇگىنگە دەيىن چەلەندج اياسىندا 6000 نان استام روليك جازىلىپ، 10 مىڭعا جۋىق #اباي175 نەمەسە #Abai175 حەشتەگى تاراعان.
ونىڭ 70,4 پايىزى Facebook-تە، 15,7 پايىزى Instagram-دا، (جانە 7 پايىزى ۆكونتاكتە جەلىلەرىندە جارىق كورگەن.