+7 (701) 759 90 19 Лента
16 °С : نۇر-سۇلتان
22 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

#Abai175 چەللەندجى: الماتىلىق شاشتاراز اقىننىڭ پورترەتىمەن شاش ۇلگىسىن جاسادى

30 شىلدە 08:36
:ءبولىسۋ
#Abai175 چەللەندجى: الماتىلىق شاشتاراز اقىننىڭ پورترەتىمەن شاش ۇلگىسىن جاسادى

نۇر-سۇلتان. قازاقپارات - الماتىلىق 6-سىنىپ وقۋشىسى ءاليحان ەربولات ۇلى اقىن اباي قۇنانبايەۆتىڭ پورترەتى بار شاش ۇلگىسىن جاساعان.

بۇگىندە ءاليحاننىڭ شاش ۇلگىسى الەۋمەتتىك جەلىدە كەڭىنەن تاراپ، تالقىلانۋدا. سونداي-اق ادامدار جاس ءوسپىرىمدى كوشەدە تانىپ، امانداساتىن كورىنەدى. وسى تۇرعىدا قازاقپارات ءتىلشىسى مۇنداي شاش ۇلگىسىن جاساعان شاشتارازبەن جانە وعان كەلىسكەن وقۋشى بالانىڭ اناسىمەن حابارلاسقان ەدى.

«تانىمال تۇلعالاردىڭ بەينەسىن كەلتىرىپ شاش قيدىرۋ بىزگە ەندى كەلىپ، بەلەڭ الىپ جاتقانىمەن، شەتەلدە بۇل تاڭ ەمەس. شاشقا پورترەت سالۋدى وسىدان ءبىر جىل بۇرىن قولعا الىپ، اينالىسا باستادىم. ارينە، شەتەلدە بۇل ءسان بولعانىمەن، ءبىزدىڭ مەنتاليتەت باسقا بولعاندىقتان بارلىق ادامدار بۇل ترەندتى قابىلداي قويمايدى. دەسەك تە، بۇل ونەر. سەبەبى جەكە ادامنىڭ ونىڭ ۇستىنە، تانىمال تۇلعانىڭ بەينەسىن ۇقساتىپ شاش قيۋ - وڭاي ەمەس»، - دەدى شاشتاراز مەرۋەرت داۋلەتوۆا.

ونىڭ ايتۋىنشا، اقىن پورترەتىن سالۋعا بۇگىندە ەلىمىزدە كەڭىنەن تارالىپ جاتقان #Abai175 چەللەندجى سەبەپ بولعان.

«قازاقستان بويىنشا الەۋمەتتىك جەلىلەر ارقىلى اباي قۇنانبايەۆتىڭ ولەڭىن وقۋ چەللەندجى كەڭىنەن تاراۋدا. مەن نەگىزى، الەۋمەتتىك جەلىدەگى مۇنداي بايقاۋ، جارىستارعا ءمان بەرە قويمايتىنمىن. دەگەنمەن، پرەزيدەنتىمىز قاسىم-جومارت توقايەۆ پەن ءانشى ديماش قۇدايبەرگەننىڭ اقىن ولەڭىنەن ءۇزىندى وقىعانى ەرەكشە اسەر قالدىردى. سودان بۇل ەستافەتانى ءوز بەتىمشە كاسىبىممەن بايلانىستىرسام دەگەن يدەيا كەلدى. بۇعان دەيىن پرەزيدەنت ق. توقايەۆتىڭ پورترەتىن كەلتىرىپ شاش ۇلگىسىن قيعانمىن. مەملەكەت باسشىسىنىڭ بەينەسىمەن شاش قيۋ يدەياسىن مەنىڭ كليەنتىم ۇسىندى. سودان سوڭ الەۋمەتتىك جەلى ارقىلى ادام ىزدەپ، ناتيجەسىندە پرەزيدەنت پورترەتىن الماتىلىق جىگىتتىڭ شاشىنا سالدىم. دەگەنمەن، سول كەزدە پرەزيدەنت سايلاۋىنا قىزۋ دايىندىق جۇمىستارى ءجۇرىپ جاتقاندىقتان، جاۋاپكەرشىلىككە تارتىلىپ كەتپەيىك دەگەن ويمەن شاش ۇلگىسىن سول ساتتە قايتا وزگەرتىپ تاستادىق.

شىنىمدى ايتسام، ەكەۋىندە دە قاتتى قوبالجىدىم. سەبەبى، بىرىنشىدەن - بۇل بىرەۋدىڭ شاشى، ونى جۇرتقا كۇلكى بولمايتىنداي ەتىپ دۇرىستاپ الۋ كەرەك. ەكىنشىدەن، بۇكىل ەل تانيتىن اتاقتى ادامداردىڭ بەينەسىن ۇقساتا الام با دەگەن كۇمان بولدى»، - دەيدى ول.


سونداي-اق ءبىز ابايدىڭ بەينەسىن شاشىنا سالۋعا كەلىسكەن وقۋشىنىڭ اناسىمەن تىلدەستىك.

«بۇل وقيعا كۇتپەگەن جەردەن بولدى. Instagram پاراقشاسى ارقىلى شاش الدىراتىن مودەلدەر كەرەك دەگەن حابارلاندىرۋدى وقىپ، سول بويىنشا حابارلاستىق. ءبىراق بىزگە اباي قۇنانبايەۆتىڭ پورترەتىن سالاتىنىن ايتقان جوق. جاي عانا «كەلىڭىز!» دەدى. ابايدىڭ سۋرەتىن سالاتىنىن بالام بارعان سوڭ عانا ءبىلىپتى. ارينە، قارسى بولماعان. ءوزىمىز بالامىزدىڭ ەرەكشە شاش ۇلگىسى تۋرالى ۇيگە كەلگەن سوڭ عانا بىلدىك. جەكە تۇلعالاردىڭ پورترەتى بەينەلەنگەن شاش ۇلگىسى ءجيى كەزدەسە بەرمەيتىن بولعان سوڭ، كوپ ادامدار قىزىق كورىپ قاراپ، كەيبىر ادامدار بالاممەن وزدەرى كەلىپ امانداسىپ جاتادى»، - دەدى ءاليحاننىڭ اناسى اقبوتا بالجانوۆا قازاقپارات تىلشىسىنە بەرگەن سۇحباتىندا.

ەسكە سالا كەتسەك، ەڭ العاش بولىپ ۇلى اقىننىڭ ولەڭدەرىن وقۋ #Abai175 ەستافەتاسىن 9 جاسار مەكتەپ وقۋشىسى باستاپ، مەملەكەت باسشىسى قاسىم -جومارت توقايەۆقا جولداعان بولاتىن. كەيىن ونى ءبىلىم جانە عىلىم ءمينيسترى اسحات ايماعامبەتوۆكە جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.

ونان سوڭ رەسەيدىڭ حالىق ءارتىسى يگور كرۋتوي ديماش قۇدايبەرگەن جولداعان ەستافەتانى قابىل العان بولاتىن.

سونىمەن قاتار، چەللەندجدى «قازاقپارات» حالىقارالىق اقپارات اگەنتتىگىنىڭ ۇجىمى « «Egemen Qazaqstan» گازەتىنەن قابىل الىپ، ابايدىڭ «كوزىمنىڭ قاراسى» ءانىن شىرقادى جانە ەستافەتانى «تاتار-ينفورم» اقپارات اگەنتتىگىنە، قىرعىز رەسپۋبليكاسىنىڭ «كابار» ۇلتتىق اقپارات اگەنتتىگىنە، «Tengrinews» جانە NUR. KZ پورتالدارىنا جولداعان ەدى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات