21:27, 07 - ناۋرىز 2023 | GMT +6
اۋا رايىنىڭ كۇرت بۇزىلۋىنا بايلانىستى ءۇش وبلىستا 9 جول جابىلدى
استانا. قازاقپارات - «قازاۆتوجول» ۇلتتىق كومپانياسى بىرنەشە جولدىڭ جابىلعانىن مالىمدەدى، دەپ حابارلايدى قازاقپارات.
7-ناۋرىز ساعات 17:30 داعى اقپاراتقا سايكەس 3 وبلىستا اۋا رايىنىڭ كۇرت ناشارلاۋىنا بايلانىستى رەسپۋبليكالىق ماڭىزى بار اۆتوجولداردىڭ 9 ۋچاسكەسىندە جول قوزعالىسىنا ۋاقىتشا شەكتەۋ ەنگىزىلگەن.
اتاپ ايتقاندا، اقمولا، سولتۇستىك قازاقستان جانە قوستاناي وڭىرلەرىندە تاسجولدار جابىلدى.
رەسپۋبليكالىق اۆتوجولداردى كۇتىپ ۇستاۋ جۇمىسىنا 400 تەحنيكا مەن 500 قىزمەتكەر جۇمىلدىرىلدى.