جۋرناليست ماحامبەت ءابجان 9 جىلعا سوتتالدى
19:14, 03 - اقپان 2023
استانا. قازاقپارات - جۋرناليست ماحامبەت ءابجان 9 جىلعا سوتتالدى، - دەپ حابارلايدى Massaget.kz ءتىلشىسى چينوۆنيك Telegram-ارناسىنا سىلتەمە جاساپ.
«ماحامبەت مۇراتبەك ۇلى ءابجان قازاقستان رەسپۋبليكاسى قىلمىستىق كودەكسىنىڭ 274-بابى 3-بولىگى، 2-تارماعى، 194-بابى 4-بولىگىمەن قىلمىستىق قۇقىقبۇزۋشىلىق جاساعانى ءۇشىن كىنالى دەپ تانىلسىن. جانە وعان 274-باپتىڭ 3-بولىگى بويىنشا - 2 جىل، 194-بابىنىڭ 4-بولىگىنىڭ 2-تارماعى بويىنشا - 9 جىل باس بوستاندىعىنان ايىرۋ تۇرىندە جازا تاعايىندالسىن»، - دەدى استانا قالاسى سارىارقا اۋدانىنىڭ 2№ سوتىنىڭ سۋدياسى ايجان قۇلبايەۆا.
سوت شەشىمى بويىنشا، ماحامبەت ءابجان 9 جىلعا باس بوستاندىعىنان ايىرىلدى.
ەسكە سالايىق، بىلتىر 3- شىلدەدە جۋرناليست 50 ميلليون تەڭگە الدى دەگەن كۇدىككە ءىلىنىپ، ۇستالعان بولاتىن. ارتىنشا، ونىڭ Telegram-ارناسىندا بالالارىنىڭ دا شوتى بۇعاتتالا باستاعانى تۋرالى حابار تارادى.