اتىراۋ وبلىسىندا قۇربىسىنىڭ اتىنا 9 نەسيە راسىمدەگەن الاياق ۇستالدى
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، يساتاي اۋدانىندا تۇراتىن تۇرعىننىڭ الاياقتىق قىلمىس جاساعانى انىقتالدى.
«يساتاي اۋدانىنىڭ 32 جاستاعى تۇرعىنى قارجىلىق ۇيىمدار مەن بانكتەردەن تۇسكەن تەلەفون قوڭىراۋىنان ءوزىنىڭ 804 مىڭ 993 تەڭگە كولەمىندە نەسيەسى بارىن بىلگەن. سودان سوڭ پوليتسيا قىزمەتكەرلەرىنە شاعىم تۇسىرگەن. پولتسيا قىزمەتكەرلەرى وسى دەرەككە بايلانىستى ونلاين نەسيە راسىمدەپ، الاياقتىق قىلمىسىن جاساعان 1991 -جىلعى تۇرعىندى ۇستادى. تەرگەۋ كەزىندە جابىرلەنۋشىنىڭ بۇرىن جەكە باسىن كۋالاندىراتىن قۇجاتىن كۇدىكتىگە بەرگەنى بەلگىلى بولدى»، - دەپ حابارلادى دەپارتامەنتتىڭ باسپا ءسوز قىزمەتى.
قازىر ۇستالعان كۇدىكتىگە قاتىستى ق ر قىلمىستىق كودەكستىڭ 190-بابىنىڭ 2-بولىگى 4) تارماعىمەن سوتقا دەيىنگى تەرگەپ- تەكسەرۋ جۇرگىزىلىپ جاتىر. ال، كۇدىكتى ۋاقىتشا ۇستاۋ يزولياتورىنا قاماۋعا الىندى.
«تۇرعىندار جەكە باسىن كۋالاندىراتىن قۇجاتىن بوگدە ادامدارعا بەرمەگەنى ءجون. وزىنە قاتىستى قۇپيا سوزدەردى ەشكىمگە جاريالاماۋ قاجەتتىگىن تۋرالى ەسكەرتەدى»، - دەپ ءمالىم ەتتى دەپارتامەنتتىڭ باسپا ءسوز قىزمەتىنەن.
ەسكە سالا كەتەلىك، بۇدان بۇرىن اتىراۋدا 20 عا جۋىق ادامنىڭ 3 ميلليون تەڭگەسىن جىمقىرعان الاياق ۇستالعانىن، كەيىن قارجى پيراميدالارىنان 500 ادام زارداپ شەككەنىن حابارلاعان بولاتىنبىز.