09:55, 19 - مامىر 2022 | GMT +6
«ايەلدەر ەرلەردەن 9 جىل ارتىق ءومىر سۇرەدى»: مينيستر زەينەتاقى ماسەلەسى تۋرالى ايتتى
نۇر-سۇلتان. قازاقپارات - دەنساۋلىق ساقتاۋ ءمينيسترى اجار عينيات ەلىمىزدە ايەلدەردىڭ زەينەت جاسىن 63-تەن 58-گە دەيىن تومەندەتۋ تالابىن قۇپتاپ وتىر.
ول قازاقستانداعى ايەلدەردىڭ مەديتسينالىق كومەككە قانشالىقتى ءجيى جۇگىنەتىنىنىڭ جانە دەنساۋلىعىنا بايلانىستى 63 جاسقا دەيىن جۇمىس ىستەۋ قانشالىقتى قيىن ەكەنىنىڭ تالدانبايتىنىن ەسكەرتتى. سوندا دا ولاردىڭ عۇمىرى ۇزاقتاۋ بولاتىن كورىنەدى.
«ەگەر ەڭبەك مينيسترلىگى جۇمىس توبىن قۇرسا، ءبىز مىندەتتى تۇردە اتسالىسىپ، قانداي ماسەلە ەكەنىنە بايلانىستى مامانداردى تارتامىز. ايەلدەرگە كەلەتىن بولساق، قازاقستانداعى ولاردىڭ ءومىر ءسۇرۋ ۇزاقتىعى ەرلەرگە قاراعاندا 9 جىلعا ارتىق دەپ ايتا الامىن» ، - دەيدى مينيستر.
جۋىردا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەت جاسىن 58 جاسقا دەيىن تومەندەتۋ بويىنشا قازاقستان ايەلدەرىنىڭ قوزعالىسى وكىلدەرىمەن كەزدەسۋ وتكىزدى.