ۇ ب ت كەزىندە 9 وقۋشى تەست سۇراقتارىن سۋرەتكە ءتۇسىرىپ، الەۋمەتتىك جەلىگە تاراتىپ جىبەرگەن
«شىنى كەرەك، تەستىلەۋدى وڭاي تاپسىرۋ ءۇشىن كەيبىر تەستىلەنۋشىلەر ءارتۇرلى قۋلىقتارعا بارۋعا دايىن. ءبىراق ءبىزدىڭ جۇيەنى ەشكىم الداي المايدى. ناۋرىز ايىندا وتكەن ۇ ب ت- دا تەستىلەۋ كەزىندە ەرەجەلەردى بۇزعانى ءۇشىن اۋديتوريادان بارلىعى 259 ادام شىعارىلىپ، ولاردىڭ ناتيجەسى جويىلدى. ونىڭ ىشىندە 9 تەستىلەنۋشى تەست سۇراقتارىن سۋرەتكە ءتۇسىرىپ، ولاردى تەلەگرام ارنالارعا تاراتقان. بۇل ماسەلەنى 2 اي بويى تولىعىمەن زەرتتەپ، قىزمەتتىك تەكسەرىس جۇرگىزدىك. سەبەبى سۇراق كوپ. مىسالى، تەست تاپسىرمالارى قالاي تارادى؟ كامەرالار نەگە ەشنارسە تۇسىرمەگەن؟ باقىلاۋشىلار قايدا قاراعان؟ ىشكى تەكسەرىستىڭ ناتيجەسىندە 9 تەستىلەنۋشىنىڭ ناتيجەسى جويىلىپ، 3 قىزمەتشى جۇمىستان بوساتىلدى. ءىس قۇزىرەتتى ورگاندارعا جىبەرىلدى» دەپ جازدى ورتالىق ديرەكتورى Instagram پاراقشاسىندا.
ونىڭ ايتۋىنشا، WhatsApp ءنومىرىن اشىق جاريالاعاننان بەرى حالىقپەن تىعىز بايلانىس ورناتقان. كەيبىر ەرەجە بۇزۋ تۋرالى اقپاراتتى تەستىلەنۋشىلەردىڭ وزدەرى حابارلاپ وتىرادى.
«ولاردىڭ اكادەميالىق ادالدىقتىڭ ساقتالۋىن قولدايتىنى قۋانتادى. بۇل جاعداي ەندى قايتالانبايدى دەپ سەنەمىز. ەندى ءاربىر قاتىسۋشىنىڭ جەكە تەست نۇسقاسى بولادى. سونداي- اق ەگەر تەست تاپسىرۋشى ءبىرىنشى مۇمكىندىگىندە تىيىم سالىنعان زاتپەن كىرۋگە تالپىنسا نەمەسە تەستىلەۋدە ۇستالاتىن بولسا، وندا ول ەكىنشى مۇمكىندىگىن قولدانا المايدى. ال ءدال وسى جاعداي ەكىنشى مۇمكىندىكتە ورىن السا، وندا ءبىرىنشى مۇمكىندىگىنىڭ ناتيجەلەرى جويىلىپ، گرانت كونكۋرسىنا قاتىسا المايدى. ياعني، ەكى مۇمكىندىكتى پايدالانۋدىڭ دا ءوزىنىڭ ەرەجەلەرى بار. نەگىزگى ۇ ب ت- نىڭ الدىندا تەستىلەۋدى تاپسىرۋعا كومەكتەسەمىز دەگەن الاياقتار كوبەيىپ كەتەتىنى بارىمىزگە ءمالىم. الاياقتارعا سەنبەڭىزدەر، ءبىزدىڭ جۇيەنى الداۋ مۇمكىن ەمەستىگەن تاعى دا ءبىر ەسكەرتەمىن. تەستىلەنۋشىلەردى ەرەجە بۇزۋشىلاردىڭ ءىس- ارەكەتىن قايتالاماۋعا شاقىرامىن. تاۋەكەلگە بارماي، تەستىلەۋدى ءادىل تاپسىرۋعا كەڭەس بەرەمىن» دەپ تۇيىندەدى ءسوزىن رۋسلان ەمەلبايەۆ.
اۆتور: جانات قاپالبايەۆا