رەسەيلىك ازامات 9 جىل بويى قازاقستاننان زەينەتاقى الىپ كەلگەن

None
None
وسكەمەن. قازاقپارات - شىعىس قازاقستان وبلىسىندا 9 جىل بويى زاڭسىز زەينەتاقى الىپ كەلگەن رەسەيلىك ۇستالدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى «ميگرانت» جەدەل-الدىن الۋ شاراسى بارىسىندا قوس ازاماتتىق فاكتىلەرىن انىقتاۋدا.

«ماسەلەن، 2006-جىلى رەسەي فەدەراتسياسى التاي ولكەسىندە سول ەلدىڭ ازاماتتىعىن العان ەر ادام تىركەلدى. ول سوعان قاراماستان 9 جىل بويى قازاقستان رەسپۋبليكاسىنىڭ اۋماعىندا زەينەتاقى الىپ كەلگەن. اتالعان فاكتى بويىنشا وعان ق ر ا ق بك- ءنىڭ 496-بابىنا سايكەس 100 ا ە ك سوماسىندا ايىپپۇل سالىندى»، - دەدى وبلىستىق پ د كوشى-قون قىزمەتى باسقارماسىنىڭ باستىعى ەربول بەكپايەۆ.

سونىمەن قاتار 2020-جىلى رەسەي فەدەراتسياسىنىڭ ازاماتتىعىن العان ۇلان اۋدانىنىڭ تۇرعىنى بۇل جايلى پوليتسيا ورگاندارىنا حابارلاماعان. سوت شەشىمىمەن ول ەلدەن قۋىلدى.

سوڭعى جاڭالىقتار