+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

الماتى وبلىسىندا براكونەرلەر مەملەكەتكە 9 ميلليون تەڭگەدەن اسا زالال كەلتىرگەن

25 قاراشا 19:13
:ءبولىسۋ
الماتى وبلىسىندا براكونەرلەر مەملەكەتكە 9 ميلليون تەڭگەدەن اسا زالال كەلتىرگەن

تالدىقورعان. قازاقپارات - الماتى وبلىسىنىڭ پوليتسيا قىزمەتكەرلەرى «براكونەر» پروفيلاكتيكالىق ءىس-شاراسى كەزىندە قۇقىق بۇزۋشىلىقتىڭ 348 دەرەگىن انىقتادى، - دەپ حابارلايدى قازاقپارات ءتىلشىسى.

وبلىس اۋماعىندا براكونەرلىك، بيولوگيالىق رەسۋرستار وبەكتىلەرىنىڭ زاڭسىز اينالىمى فاكتىلەرىن انىقتاۋ جانە جولىن كەسۋ ماقساتىندا الماتى وبلىسى پوليتسيا دەپارتامەنتى تابيعاتتى قورعاۋ پوليتسياسىنىڭ قىزمەتكەرلەرىمەن «براكونەر» جەدەل الدىن الۋ شاراسى ءوتتى.

«جەدەل الدىن الۋ ءىس-شاراسىن وتكىزۋ قورىتىندىسى بويىنشا: 4 كيلومەتر 700 مەتر قىتاي بالىق اۋلاۋ جەلىسى، 4 قايىق (2 رەزەڭكە، 2 اليۋميني)، 4172 كەلى بالىق، 53 تەكشە مەتر زاڭسىز دايىندالعان اعاش، 4 دانا بەنزوپيلا، 10 دانا اتىس قارۋى (ونىڭ ىشىندە 8 تەگىس ۇڭعىلى، 2 ويىق ۇڭعىلى)، 1 جويىلىپ كەتۋ قاۋپى بار «سۇڭقار-بالاپان» قۇسى، 1 «P. I. T. « ماركالى بەنزين ەلەكتر گەنەراتورى تاركىلەندى جانە 348 ەكولوگيالىق سيپاتتاعى قۇقىق بۇزۋشىلىق انىقتالىپ، ول بويىنشا 16 قىلمىستىق ءىس قوزعالدى»، - دەدى الماتى وبلىسى پ د ت ق پ توبىنىڭ اعا ينسپەكتورى، پوليتسيا مايورى سەرىك بايعازينوۆ.

تابيعاتتى قورعاۋ زاڭناماسىن بۇزعانى ءۇشىن 332 قۇقىق بۇزۋشى اكىمشىلىك جاۋاپكەرشىلىككە تارتىلدى. قۇقىق بۇزۋشىلارعا جالپى سوماسى 1 ميلليون 801 مىڭ 248 تەڭگە كولەمىندە ايىپپۇل تۇرىندەگى اكىمشىلىك جازا قولدانىلدى.

«مەملەكەتكە كەلتىرىلگەن زالال 9 ميلليون397 مىڭ 630 تەڭگەنى قۇرادى»، - دەلىنگەن وبلىستىق پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات