ەرتەڭ ءبىرقاتار سولتۇستىك ايماقتاردا قار جاۋادى: 9 وڭىردە ەسكەرتۋ جاريالاندى

نۇر- سۇلتان. قازاقپارات - اۋا رايىنىڭ بۇزىلۋىنا بايلانىستى قازاقستاننىڭ ءبىرقاتار وڭىرىندە ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

كۇندىز 27 - قىركۇيەكتە قوستاناي وبلىسىندا جانە وبلىس ورتالىعىندا شىعىستان جەل سوعادى، ەكپىنى 23-28 م/س جەتەدى.

28 -قىركۇيەك تۇندە سولتۇستىك قازاقستان وبلىسىنىڭ وڭتۇستىگىندە، كۇندىز باسىم بولىگىندە جاڭبىر مەن قار جاۋادى. شىعىستان، سولتۇستىك- شىعىستان جەل سوعادى. جەل قارقىنى 15-20 م/س، تۇندە وبلىستىڭ وڭتۇستىك- باتىسىندا، كۇندىز باسىم بولىگىندە 23-28 م/س دەيىن كۇشەيەدى.

28 - قىركۇيەك كۇندىز پەتروپاۆل قالاسىندا جاڭبىر مەن قار جاۋادى. شىعىستان، سولتۇستىك- شىعىستان جەل سوعادى، كۇندىز جەل جىلدامدىعى 23-28 م/س شاماسىندا بولادى.

27- قىركۇيەكتە باتىس قازاقستان وبلىسىندا سولتۇستىك- شىعىستان سوققان جەلدىڭ ەكپىنى كۇندىز 15-20 م/س جەتەدى.

28- قىركۇيەك كۇندىز قاراعاندى وبلىسىنىڭ باتىسىندا قاتتى جاڭبىر جاۋادى. وڭتۇستىك- باتىستان جەل سوعادى، وبلىستىڭ باتىسىندا، شىعىسىندا جانە ورتالىعىندا جەل قارقىنى 15-20 م/س بولادى.

28- قىركۇيەك تۇندە جانە تاڭەرتەڭ اقتوبە وبلىسىنىڭ باتىسىندا جانە سولتۇستىگىندە تۇمان تۇسەدى. 28- قىركۇيەك تۇندە جانە تاڭەرتەڭ ماڭعىستاۋ وبلىسىنىڭ باتىسىندا، وڭتۇستىك- شىعىسىندا تۇمان تۇسەدى . وبلىستىڭ سولتۇستىگىندە سولتۇستىك- باتىستان سەكۋندىنا 15-20 مەتر جىلدامدىقپەن جەل سوعادى.

28- قىركۇيەكتە اقمولا وبلىسىنىڭ باسىم بولىگىندە جانە كوكشەتاۋ قالاسىندا جاۋىن- شاشىن جاۋادى، جاڭبىردىڭ ارتى قارعا ۇلاسادى. كۇندىز وبلىستىڭ سولتۇستىك- باتىسىندا، وڭتۇستىك- شىعىسىندا قاتتى جاۋىن- شاشىن جاۋادى. وبلىستىڭ سولتۇستىك- شىعىسىندا شىعىستان، سولتۇستىك- شىعىستان سوققان جەلدىڭ كۇشى 23 م/س جەتەدى.

28- قىركۇيەك تۇندە جانە تاڭەرتەڭ قىزىلوردا وبلىسىنىڭ سولتۇستىك- باتىسىندا نايزاعاي جارقىلدايدى. وڭتۇستىك- باتىستان جانە باتىستان كۇشتى جەل سوعادى. وبلىستىڭ ورتالىعىندا جەل قارقىنى 15-20 م/س دەيىن كۇشەيەدى، شاڭدى داۋىل تۇرادى.

28- قىركۇيەك تۇندە نۇر- سۇلتان قالاسىندا جاۋىن- شاشىن جاۋادى (جاڭبىر قارعا ۇلاسادى)، كۇندىز قاتتى جاڭبىر جاۋادى.