وڭتۇستىك كورەيادا عيمارات وپىرىلىپ، 9 ادام مەرت بولدى
وڭتۇستىك كورەيانىڭ كۆاندجۋ قالاسىنداعى بەس قاباتتى عيماراتتىڭ قۇلاۋى تۋرالى حابارلاما جەرگىلىكتى ۋاقىت بويىنشا 16:22 دە كەلىپ تۇسكەن.
وقيعا سالدارىنان قۇرىلىس الاڭىنىڭ جانىندا تۇرعان جولاۋشىلار اۆتوبۋسى ءۇيىندى استىندا قالعان.
عيماراتتىڭ قۇلاۋى سالدارىنان توعىز ادام قازا تاپقان، اۋىر جاراقات العان سەگىز ادام جاقىن ماڭداعى اۋرۋحانالارعا جەتكىزىلگەنى حابارلاندى.
زارداپ شەككەندەردىڭ بارلىعى - اۆتوبۋس جولاۋشىلارى. باستاپقىدا اۆتوبۋستا ون ەكى ادام بولعان دەپ بولجانعان.
عيمارات ۇيىندىلەرىنىڭ استىندا ەكى اۆتوكولىك بولۋى مۇمكىن دەپ حابارلانعان، ءبىراق ۆيدەودان ولار اپات ورنىنان ارەڭ قاشىپ شىققانى بەلگىلى بولدى.
قۇلاعان عيمارات ماڭىنداعى قۇرىلىس الاڭىنا قاراما-قارسى دۇكەننىڭ يەسى يانگ يك-چجە (Yang Ik-je) سىرتقا شىققاننان كەيىن ول جەردىڭ دىرىلدەگەنىن سەزگەنىن ايتتى.
«جول قالىڭ تۇمان باسقانداي كورىنبەي قالدى»، - دەدى ول.
عيمارات اۆتوبۋسقا وپىرىلىپ تۇسكەنى كورسەتىلگەن باقىلاۋ كامەرالارىنداعى ۆيدەونى تەكسەرگەننەن كەيىن دۇكەن يەسى وقيعا تۋرالى دەرەۋ بيلىككە حابارلاعان. قۇتقارۋشىلار ىزدەستىرۋ جۇمىستارىن جۇرگىزۋدە. اپاتتىڭ سەبەبى ءالى بەلگىسىز.