جەل، تۇمان، جاڭبىر: 9- ساۋىرگە ارنالعان اۋا رايى بولجامى
قازاقستان تەرريتورياسىنىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى.
ەلىمىزدىڭ كەي جەرلەرىندە جاۋىن-شاشىن جاۋادى. تەك وڭتۇستىك بولىگىندە كۇن اشىق بولادى. كەي جەرلەردە تۇمان ءتۇسىپ، جەل كۇشەيەدى.
رەسپۋبليكامىزدىڭ وڭتۇستىك-باتىسىندا شاڭدى داۋىل سوعادى، سولتۇستىكتە كوكتايعاق بولادى.
اقمولا، پاۆلودار، جامبىل وبلىستارىنىڭ كەي جەرلەرىندە تۇمان تۇسەدى، كۇندىز كەي جەرلەرىندە جەل قارقىنى 15-20 م/س جەتەدى.
اقتوبە، قاراعاندى وبلىستارىنىڭ كەي جەرلەرىندە تۇمان تۇسەدى. سولتۇستىك قازاقستان، قوستاناي وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.
قوستاناي وبلىسىنىڭ كەي جەرلەرىندە جەلدىڭ جىلدامدىعى 15-20 م/س دەيىن كۇشەيەدى.
كۇندىز تۇركىستان، قىزىلوردا، ماڭعىستاۋ، اتىراۋ، باتىس قازاقستان وبلىستارىنىڭ كەي جەرلەرىندە جەل ەكپىنى - 15-20 م/س جەتەدى.
ماڭعىستاۋ، اتىراۋ وبلىستارىندا شاڭدى داۋىل تۇرادى.