USD 434.84 EUR 498.2
RUB 5.72 CNY 68.47
جاڭالىقتار

قىزىلوردادا بالاباقشادا قىزمەت ەتەتىن 9 ادام كوروناۆيرۋس جۇقتىردى

7 ءساۋىر 07:56
:ءبولىسۋ
قىزىلوردادا بالاباقشادا قىزمەت ەتەتىن 9 ادام كوروناۆيرۋس جۇقتىردى

قىزىلوردا. قازاقپارات - قىزىلوردا وبلىسى قازالى اۋدانىنداعى «ءورىمتال» بالاباقشاسىندا وتكەن تاۋلىكتە 9 ادام كوروناۆيرۋس جۇقتىردى، دەپ حابارلايدى قازاقپارات ءتىلشىسى.

قازىر اۋرۋ وشاعىندا ەپيدەمياعا قارسى بارلىق ءىس-شارالار جۇرگىزىلدى. قارىم-قاتىناستا بولعان ادامدار انىقتالعان. ولاردىڭ بارلىعى مەديتسينالىق باقىلاۋعا الىندى.

ەپيدەميولوگيالىق زەرتتەۋ جۇمىستارى جالعاسۋدا. قاجەت بولعان جاعدايدا بالاباقشا تولىعىمەن كارانتينگە جابىلۋى مۇمكىن. دەگەنمەن دە بۇگىنگى كۇنى اتا-انالار تاراپىنان بالالاردى بالاباقشاعا جىبەرۋ توقتاتىلعان.

«سوڭعى 5 كۇندەگى كورسەتكىشتەر بويىنشا قىزىلوردانىڭ «جاسىل» ايماقتان ورتاشا «سارى» ايماققا ءوتۋ قاۋپى جوعارى. كۇن سايىنعى ۆيرۋس جۇقتىرۋ قارقىنى ارتىپ كەلەدى. وتكەن تاۋلىكتىڭ وزىندە 39 جاعداي تىركەلدى. ولاردىڭ باسىم بولىگى COVID-19 ينفەكتسياسىن جۇقتىرعاندارمەن جاقىن قارىم-قاتىناستا بولعاندار اراسىنان انىقتالىپ وتىر. ونىڭ سانى 17 جاعدايدى قۇرايدى»، - دەپ ءمالىم ەتتى قىزىلوردا وبلىسى سانيتارلىق-ەپيدەميولوگيالىق باقىلاۋ دەپارتامەنتىنەن.

بۇگىنگى كۇنى وبلىس بويىنشا كوروناۆيرۋستىق ينفەكتسيا جۇقتىرعاندار سانى 4198 ادامعا جەتتى.

ونىڭ 3 پايىزى سىرتتان تاسىمالدانعان بولسا، 56 پايىزى سكرينينگتىك تەكسەرۋ ناتيجەسىندە انىقتالعان. ال 41 پايىزى قارىم-قاتىناس ارقىلى جۇقتىرعان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات