پوليتسيا قىزمەتكەرلەرى ءبىر اپتادا 9 كىسى ءولتىرۋ قىلمىسىن اشتى

نۇر-سۇلتان. قازاقپارات - وتكەن اپتادا ەل اۋماعىندا 3 مىڭنان استام قىلمىس جاسالدى.

بۇل تۋرالى ق ر ىشكى ىستەر مينيسترلىگىنىڭ رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى.

رەسمي وكىلدىڭ دەرەگىنشە، ءبىر اپتا ىشىندە 3179 قىلمىس جاسالعان. ونىڭ 2103 ى ءبىر تاۋلىك ىشىندە اشىلدى.

«پوليتسيا قىزمەتكەرلەرى «ءىزىن سۋىتپاي» 9 كىسى ءولتىرۋ، 3 ولىمگە اكەپ سوققان دەنساۋلىققا قاساقانا اۋىر زيان كەلتىرۋ، 5 قاراقشىلىق، 520 بوتەننىڭ مۇلىكىن ۇرلاۋ قىلمىسىن اشتى»، - دەدى نۇردىلدا وراز ۆەدومستۆونىڭ باسپا ءسوز قىزمەتى الاڭىندا وتكەن بريفينگ بارىسىندا.

اۆتور: مارلان جيەمباي