جامبىلدا اتىس قارۋى بار 9 مىڭ ادام تەكسەرىلدى

تاراز. قازاقپارات - جامبىل وبلىسىنىڭ اۋماعىندا «ۋچاسكە» جەدەل-الدىن الۋ ءىس-شاراسىنىڭ قورىتىندىسى شىعارىلدى، دەپ حابارلايدى قازاقپارات ءتىلشىسى.

اتالعان ءىس-شارالار اياسىندا، وبلىس اۋماعىنداعى تۇرعىلىقتى جەرى بويىنشا اتىس قارۋى بار 9101 ادام تەكسەرىلدى.

تەكسەرۋ بارىسىندا ق ر ا ق ب ت ك - نە سايكەس، اتىس قارۋىن ساقتاۋ ەرەجەلەرىن بۇزۋدىڭ 245 جاعدايى جويىلدى. بۇدان باسقا، ازاماتتاردا قانداي دا ءبىر رۇقسات قۇجاتتارىنسىز تۇرعان زاڭسىز اتىس قارۋىنىڭ 108 بىرلىگى تاركىلەندى.

ءىس جۇرگىزۋ شەشىمىن قابىلداۋ جانە بارلىق تاركىلەنگەن قارۋدىڭ قىلمىستارعا قاتىستىلىعىن تەكسەرۋ ءۇشىن بالليستيكالىق ساراپتاما تاعايىندالعان.

«جالپى جەدەل-الدىن الۋ ءىس-شاراسى بارىسىندا 204041 اكىمشىلىك قۇقىق بۇزۋشىلىق انىقتالىپ، ءتيىستى شارالار قابىلداندى، ونىڭ ىشىندە 732 دەرەك تۇرمىس سالاسىنداعى زاڭنامانى بۇزۋ، 64 دەرەك بالالارىن تاربيەلەۋ جانە وقىتۋ بويىنشا اتا-انا مىندەتتەرىن تيىسىنشە ورىنداماۋ، 531 ۇساق بۇزاقىلىق دەرەگى، 144 دەرەك قورعاۋ نۇسقاماسىن بۇزۋ، 3801 دەرەك قوعامدىق ورىندا ماس كۇيىندە بولۋ، 6449 دەرەك پاسپورتسىز نەمەسە جەكە كۋالىكسىز تۇرۋ جانە ق ر زاڭناماسىن وزگە دە بۇزۋشىلىقتار»، - دەپ حابارلادى پ د ج پ ق ب باستىعىنىڭ ورىنباسارى ماناس ابدىكارىموۆ.

قازىرگى ۋاقىتتا وبلىستىڭ بارلىق ۋچاسكەلىك ينسپەكتورلارى تۇرعىنداردىڭ جالپى ۇيلىك چاتتارىنا قوسىلعان، وعان تۇرعىندار، ك س ك جانە ايماق كوميتەتتەرىنىڭ باسشىلارى، جەرگىلىكتى اتقارۋشى ورگانداردىڭ وكىلدەرى قوسىلعان.