پاۆلودار وبلىسىندا حالىققا بىلتىرعىدان 9 ەسە كوپ پاتەر جالعا بەرىلەدى
«پاۆلودار وبلىسى تۇرعىندارىنىڭ جاعدايىن جاقسارتۋعا «جۇمىسپەن قامتۋ جول كارتاسى» مەن وزگە دە مەملەكەتتىك باعدارلامالار ەداۋىر ىقپال ەتىپ تۇر. بيىل 1 مىڭ شاقىرىم جول كۇردەلى جوندەلىد. ونىڭ بەستەن ءبىر بولىگى - بۇرىن- سوڭدى اسفالت بولماعان جولدار. سونىمەن قاتار، 205 مىڭ اۋىل تۇرعىنى تازا اۋىز سۋمەن قامتىلادى. جاڭا سالىنىپ نەمەسە كۇردەلى جوندەۋدەن ءوتىپ جاتقان الەۋمەتتىك نىساننىڭ جالپى سانى 200-گە جۋىق»، - دەدى ءابىلقايىر سقاقوۆ و ك ق- دا وتكەن باسپا ءسوز ءماسليحاتىندا.
اكىمنىڭ ايتۋىنشا مەكتەپتەر مەن اۋرۋحانالاردان وزگە اۋىلداعى سپورت الاڭدارى دا جاڭارتىلىپ جاتىر. «ال، جىل سوڭىندا جالپى كولەمى 346 مىڭ شارشى مەتر بولاتىن باسپانا تاپسىرۋدى جوسپارلاپ وتىرمىز. ونىڭ ىشىندە جالعا بەرىلەتىن پاتەرلەر سانى بىلتىرعىدان توعىز ەسە كوپ»، - دەدى ول. ءابىلقايىر سقاقوۆ ودان بولەك وڭىردەگى وندىرىستىك كلاستەردى دامىتۋدىڭ بولاشاعى بارىنا سەنىمدى. ماسەلەن، اليۋمينيي كلاستەرى بارعان سايىن قالىپقا ءتۇسىپ كەلە جاتىر. وسى كۇنى شيكىزاتتان اۆتوكولىك دوڭگەلەگى شىعارىلىپ كەلسە، جىلدىڭ اياعىندا رادياتور ءوندىرىسى باستالادى. مىس كلاستەرىنىڭ دە دامۋ الەۋەتى جوعارى. تەك بوزشاكولدىڭ وزىندە جىلىنا 100 مىڭ توننادان استام مەتالل وندىرىلەدى. ەكى باعىتتى دا كلاستەرلىك دامىتۋ بويىنشا جۇمىس قىزۋ ءجۇرىپ جاتىر.