اقتوبەدە ەكى كولىك سوقتىعىسىپ، 9 ادام اۋرۋحاناعا جەتكىزىلدى

اقتوبە. قازاقپارات - اقتوبە قالاسىندا قوعامدىق كولىك پەن جەڭىل كولىك سوقتىعىستى، دەپ حابارلايدى قازاقپارات ءتىلشىسى.

جول-كولىك وقيعاسى بۇگىن ساعات 11:20 شاماسىندا بولدى. «Mercedes Benz» اۆتوكولىگىنىڭ 37 جاستاعى جۇرگىزۋشىسى مەيرامحانا تۇراعىنان شىعىپ، جولداعى قاۋىپسىزدىك ەرەجەسىن ەسكەرمەدى. رولدە وتىرعان ايەل جان-جاعىنا قاراماستان بۇرىلعان. سالدارىنان «پاز 320402» ماركالى اۆتوبۋسپەن سوقتىعىستى.

«جول اپاتى كەزىندە «Mercedes Benz» اۆتوكولىگىنىڭ جۇرگىزۋشىسى مەن اۆتوبۋستىڭ 7 جولاۋشىسى دەنە جاراقاتىمەن اقتوبە قالاسىنىڭ جەدەل جاردەم اۋرۋحاناسىنا جۇگىندى. سونداي-اق اۆتوبۋستىڭ ءبىر جولاۋشىسى وبلىستىق بالالار اۋرۋحاناسىنا جەتكىزىلدى. اتالعان فاكتى بويىنشا تەرگەۋ امالدارى جۇرگىزىلىپ جاتىر»، - وبلىستىق پوليتسيا دەپارتامەنتى باسپا ءسوز قىزمەتىنىڭ جەتەكشىسى ەربولات سارقۇلوۆ.

ونىڭ ايتۋىنشا، اپاتتىڭ نەگىزگى سەبەبى - جۇرگىزۋشىلەر مەن جاياۋ جۇرگىنشىلەردىڭ جول ەرەجەلەرىن سانالى تۇردە ەسكەرمەۋى.