ەلوردادا تۇراتىن ايەل 9 جىل بۇرىن جوعالعان ۇلىن تاپتى
ۆەدومستۆونىڭ مالىمەتىنشە، بۇرىنعى قوسشى اۋىلىنىڭ تۇرعىنى گۇلداريعا نۇربايەۆا 16 جاستاعى ۇلى مۇراتتى سوڭعى رەت 2011 -جىلى كورگەن. سول جىلى ول ۇلىنىڭ جوعالعانىن پوليتسياعا ايتىپ، كومەك سۇراعان. بەلگىلى بولعانداي، ءجاسوسپىرىم بىرنەشە رەت ۇيىنەن كەتىپ قالىپ جۇرگەن. ونىڭ جوعالعانى تۋرالى العاش رەت 2011 -جىلدىڭ 29 -قىركۇيەگىندە پوليتسياعا ارىز تۇسكەن. كەيىن ءتارتىپ ساقشىلارى ءجاسوسپىرىمدى تاپقان. الايدا، كەيىن ارادا ءبىر اي وتكەن سوڭ ءجاسوسپىرىم جەكە زاتتارىن جيناپ، ۇيىنەن تاعى كەتىپ قالعان. سودان بەرى ودان ەش حابار بولماعان.
«مۇحتاردى ىزدەۋ ءۇشىن ارنايى توپ قۇرىلىپ، كورشى وبلىستار مەن ەلوردا اۋماعىندا ىزدەستىرۋ جۇمىسى جۇرگىزىلدى. قولعا الىنعان شارالار ناتيجە بەرمەدى. دەگەنمەن، 2020 -جىلدىڭ مامىر ايىندا 9 جىلدان كەيىن 25 جاسقا كەلگەن مۇحتاردىڭ تۇركىستان وبلىسى تۇلكىباس اۋدانىنداعى ءبىر اۋىلدا جۇرگەنى انىقتالدى. وسى ۋاقىتقا دەيىن ول تانىستارىنىڭ ۇيىندە بولعان جانە اناسىمەن بايلانىسقا شىعۋدان باس تارتتى. ونىڭ ۇيىنەن كەتىپ قالۋىنا وتباسىنداعى كيكىلجىڭ تۇرتكى بولعان. قازىرگى كەزدە ونىڭ اناسى نۇر- سۇلتان قالاسىندا تۇرادى جانە ۇلىنىڭ تابىلعانىنا قۋانىشتى» دەيدى ۆەدومستۆودان.