قىزىلوردا وبلىسىندا كوروناۆيرۋس جۇقتىرعان سوڭعى 9 ادامنىڭ قاي اۋدان تۇرعىندارى ەكەنى انىقتالدى
بۇل جونىندە وبلىستىق تاۋارلار، قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ Facebook پاراقشاسىنان ءمالىم بولدى، دەپ حابارلايدى قازاقپارات ءتىلشىسى.
ناۋقاستاردىڭ 3 ءۋى ەر ادام بولسا، 6 ۋى ايەل ادام. ولاردىڭ اراسىندا ەڭ كىشىسى 2012-جىلى تۋعان قىز. ال جاسى ەڭ ۇلكەنى 1944-جىلعى ەر ادام.
«قازىرگى تاڭدا ناۋقاستاردىڭ جاعدايى قاناعاتتانارلىق. بەكىتىلگەن الگوريتمگە سايكەس ناۋقاستارمەن قارىم-قاتىناستا بولعان ادامدار انىقتالدى. ولار مەديتسينالىق باقىلاۋعا الىنپ جاتىر. اۋرۋ وشاقتارىندا ەپيدزەرتتەۋ جانە دەزينفەكتسيالىق جۇمىستار جۇرگىزىلۋدە»، - دەپ ءمالىم ەتتى ۆەدومستۆودان.
8- ءساۋىر ساعات 22:35 تەگى جاعداي بويىنشا ايماقتا كوروناۆيرۋس ينفەكتسياسىنا شالدىققاندار سانى 85 ادامدى قۇرادى. ولاردىڭ 9 ى قىزىلوردا قالاسىندا، 16 ى جاڭاقورعان اۋدانىندا تىركەلسە، قارماقشىدا - 4، شيەلىدە - 47، سىرداريادا - 7، ارالدا - 2 جاعداي انىقتالدى.